«Այս ոլորտը սպիտակամորթներն են կառավարում»․ Էդի Մերֆին խոսել է կինոարտադրությունում առկա ռասիզմի և բազմազանության պակասի մասին (լուսանկարներ, տեսանյութ)

Մշակույթ 2 Մարտ, 2021 17:13

Հոլիվուդյան հայտնի դերասան Էդի Մերֆին, անդրադառնալով իր մասնակցությամբ Coming To America 2 ֆիլմին, խոսել է կինոարտադրությունում առկա ռասիզմի և բազմազանության բացակայության մասին, հայտնում է Daily Mail–ը։

59–ամյա դերասանն ընդգծել է, որ Հոլիվուդում կինոարտադրության ոլորտը ղեկավարում են սպիտակամորթ տղամարդիկ։

«Այս ոլորտը տարիներով այսպես է եղել։ Եվ սա ոչ միայն աֆրոամերիկացիներին է վերաբերվում, այլ կանանց և մյուս բոլոր փոքրամասնություններին։ Սպիտակամորթ տղամարդիկ են այս ոլորտը ղեկավարում», – նշել է դերասանը։

Պատասխանելով հարցին՝ արդյոք այդ ռասիզմը խանգարել է իրեն, դերասանն ասել է, որ արդեն 40 տարի է, ինչ նկարահանվում է ֆիլմերում և դա իրեն երբեք չի խանգարել դերեր ստանալ։ Սակայն, անդրադառնալով ներկա պայմաններին, Մերֆին նշել է․ «Մենք քաղաքական կոռեկտության ժամանակաշրջանի ենք անցնում և մարդիկ մի փոքր ավելի կոշտ վերաբերմունք ունեն կատակերգության նկատմամբ, սակայն ծիծաղելիի համար պիտանելության ժամկետ չկա»։

Դերասանը Coming To America ֆիլմի շարունակության մեջ կրկին մարմնավորելու է արքայազն Աքիմին, իսկ արքայազնի դստեր դերը խաղալու է իր 19-ամյա աղջիկը՝ Բելլան, որի համար ֆիլմը դեբյուտային կլինի։

«Նա պիտի կարողանար անել դա, հակառակ դեպքում չէր ստանա դերը», – նշել է դերասանը, իսկ դուստրը հավելել է, որ ցանկանում է շատ լավ ներկայանալ և չի ցանկանում, որ ֆիլմը դիտելու ժամանակ ասեն․ «Դա պետք է որ նրա դուստրը լինի»։

Օրիգինալ ֆիլմը էկրաններ է բարձրացել ավելի քան 30 տարի առաջ: Դրանում արքայազնը Զումունդայի թագավորությունից Միացյալ Նահանգներ է ժամանում իր համար հարսնացու գտնելու նպատակով։

Candid: Eddie Murphy discussed his experience with racism in Hollywood on Tuesday as he attributed the lack of diversity in the industry to the fact that 'white men run this business'
Change: The actor, 59, discussed the sequel to his film Coming To America as he admitted people are 'more uptight' when it comes to comedy since the film's initial release in 1988
Family man: Eddie said his proudest achievement has nothing to do with work, instead, the father-of-ten takes great pride in his children as he told the publication they are his 'legacy' (pictured in 2016)
Ex: The superstar shares five children with his ex-wife Nicole Mitchell Murphy, 53 and the couple were married between 1993 and 2006
Partner: The comedian has been engaged to Australian model Paige Butcher, 41, (pictured in 2019) since 2012, and they have two children - daughter Izzy, four, and son Max, two