Վերականգնվող էներգետիկայի մասնաբաժինը կհասնի 40%-ի
Մարինա Ներսեսյանը Ֆեյսբուքյան իր էջում գրում է.
Էներգետիկ ոլորտի բարեփոխումները օրակարգային են: Հաշվի առնելով 2013-2014թթ. ընթացքում վառելիքաէներգետիկ շուկայում և էներգետիկ համակարգում կիրառվող տեխնոլոգիաների ոլորտում արձանագրված զարգացումները, Իրանի, Ռուսաստանի և այլ երկրների հետ բանակցությունների արդյունքները՝ անհրաժեշտություն է առաջացել նախանշել և մեկտեղել երկարաժամկետ հեռանկարում էներգետիկայի բնագավառում ռազմավարական նշանակություն ունեցող նախագծերը։
Այդ նպատակով մշակվել է՝ «ՀՀ էներգետիկ համակարգի երկարաժամկետ (մինչև 2036թ.) զարգացման ուղիները» փաստաթուղթը:
Ծրագրով նախատեսվում է Հայաստանում կառուցել նոր ատոմային բլոկ, որը կունենա 600 ՄՎտ ատոմային բլոկ՝ 1000 ՄՎտի փոխարեն։ Արդյունքում՝ կփոխվի ներքին սպառման էներգաարտադրության կառուցվածքը, տեղի կունենան շուկայական բարեփոխումներ,ինչպես նաև կզարգանան ենթակառուցվածքները:
Երկարաժամկետ ծրագիրը հնարավորություն կտա ավելացնելու հիդրոհամակարգում և ատոմակայանում արտադրվող էլեկտրաէներգիայի քանակը, որի արդյունքում վերականգնվող էներգետիկայի մասնաբաժինը էներգաարտադրության կառուցվածքում կհասնի շուրջ 40 տոկոսի։
1
2
3
4
5
1
3
4
5
1
2
3
5
