Քաղաքագետ Ալեքսանդր Սկակովը պատմել է, որ Նիկոլ Փաշինյանի հրաժարականը ժամանակի հարց է

Radiokp.ru-ն գրում է, որ Հայաստանում իրավիճակն ամեն օր վատթարանում է: Նիկոլ Փաշինյանը չի պատրաստվում լքել երկրի վարչապետի պաշտոնը: Ռուսաստանի գիտությունների ակադեմիայի արևելագիտության ինստիտուտի փոխտնօրեն Ալեքսանդր Սկակովը «Կոմսոմոլսկայա պրավդա» -ի հետ հարցազրույցում խոսել է Հայաստանի իրավիճակի ու շարունակվող հանրահավաքների մասին:

«Փաշինյանին անհրաժեշտ է պահել իրավիճակը և ցույց տալ, որ ինքն է շեֆը և կարող է լուծել կադրային բոլոր խնդիրները Հայաստանում», - բացատրել է քաղաքագետը: Նրա խոսքերով, ոչ ՀՀ իշխանությունները, ոչ էլ ընդդիմությունը չեն կարող հասնել հասարակության լիարժեք աջակցությանը: «Հասարակությունը պառակտված է, չկա մի ղեկավար, ով կարող էր ղեկավարել այդ հասարակությունը: Փաստն այն է, որ բացի այս միասնության բացակայությունից, կա նաև մեղավորի որոնում. ո՞վ է մեղավոր այս ամենի մեջ, ո՞վ է մեղավոր պարտության մեջ, ո՞վ է մեղավոր այն բանում, որ Հայկական բանակը չմիջամտեց այդ պատերազմին», - ասել է Սկակովը:

Նա նշել է, որ Լեռնային Ղարաբաղում կրած պարտությունից անհրաժեշտ է դասեր քաղել: «Փաշինյանը չի պահելու իշխանությունը, հարցը ժամանակային առումով է, այսինքն դա կլինի, բայց կլինի վաղը, թե մեկ ամիս անց, դա է հարցը: Փաշինյանն արդեն «կաղ բադ» է, նա ապագա չունի, չի կարող ինչ որ բան առաջարկել, չունի որևէ ծրագիր», - ամփոփել է փորձագետը:


Անի Սիմոնյան

Pressmedia.am