Ոչ ոք իրավունք չունի արգելել Ռուսաստանին զենք մատակարարել իր դաշնակցին. Վիկտոր Բարանեց

Jpgazeta.ru-ն գրում է, որ ավելի վաղ Ադրբեջանի նախագահ Իլհամ Ալիևը Ռուսաստանին մեղադրել էր Հայաստանին ռազմական տեխնիկա մատակարարելու մեջ: Ռուսաստանի վաստակավոր լրագրող, «Կոմսոմոլսկայա պրավդա» հրատարակչության ռազմական թղթակից, պաշտոնաթող գնդապետ Վիկտոր Բարանեցը «Լրագրողական պրավդա» -ի համար մեկնաբանել է, թե արդյո՞ք Ռուսաստանը պետք է զեկուցի, թե ում է զենք վաճառում:

«Ոչ ոք երբեք իրավունք չունի արգելել Ռուսաստանին զենք վաճառել, առավել ևս դաշնակիցներին: Այս պարագայում Ադրբեջանը նման է ԱՄՆ-ին, որն իրեն համարում է աշխարհի տիրակալ և արդեն ոլորում է այն երկրների ձեռքերը, որոնք գնում են ռուսական զենք: Հայաստանը ՀԱՊԿ անդամ է, և ըստ փաստաթղթերի, Ռուսաստանի դաշնակիցը: Մենք պատրաստ ենք դաշնակցին տրամադրել այն զենքը, որը նա է խնդրում: Մենք կարող ենք նաև զենք վաճառել Բելառուսին, Ղազախստանին, Տաջիկստանին, Ղրղզստանին և այլն: Երբ Ռուսաստանը Ադրբեջանին մատակարարեց С-400 զենիթա-հրթիռային համակարգեր, դա Հայաստանում անհանգստություն առաջացրեց, բայց Ալիևը ասաց, որ դա իրեն չի հետաքրքրում: Հիմա ինչո՞ւ է, երբ Ռուսաստանը սպառազինություն է վաճառում իր դաշնակցին, դա անհանգստություն է առաջացնում Ադրբեջանում: Մենք ոչ միայն Հայաստանին մատակարարել ենք զենք, այլ նաև կշարունակենք դա, եթե նա ազնիվ քաղաքականություն վարի Ռուսաստանի նկատմամբ: Եթե Հայաստանը սիրախաղ սկսի ՆԱՏՕ-ի հետ, միևնույն ժամանակ խոսելով Ռուսաստանի հետ համագործակցության մասին, մենք այն կմատակարարենք նույն պայմաններով, որով մատակարարում ենք Ադրբեջանին: Ներկայումս բոլորովին անհասկանալի է հայկական ռազմա-տեխնիկական հարաբերությունների կառուցվածքը: Փաշինյանը թքել է Ռուսաստանի երեսին ասելով, որ իբր մեր օպերատիվ-մարտավարական համալիրները չեն հասնում թիրախին ու պայթում են միայն 10% -ով: Այնուհետև սողալով մտել է աթոռի տակ և գռմռալով և խռպոտ ձայնով հեռախոսով ներողություն խնդրել Պուտինինից։ Բայց հետո աշխատանքից ազատել է Հայաստանի գլխավոր շտաբի պետի առաջին տեղակալ Խաչատրյանը, որը ասել է, որ վարչապետը անիմաստ է խոսել: Ռուսաստանին չի հետաքրքրում, թե ինչ են ասում Հայաստանի հարևանները, երբ մենք զենք ենք մատակարարում այդ երկրին, քանի Հայաստանը դեռ համարվում է մեր դաշնակիցը: Երբ դադարի դաշնակից լինելուց, այդ դեպքում մենք կհեռացնենք մեր հենակետը և կդադարեցնենք բոլոր ռազմատեխնիկական կապերը այդ երկրի հետ, որը առայժմ համարվում է մեր դաշնակիցը»:


Անի Սիմոնյան

Pressmedia.am