Գյումրիում 26-ամյա տղայի սպանությունը բացահայտվել է. պատճառը եղել է համացանցային նամակագրությունը

SHAMSHYAN.com-ի տեղեկություններով՝ երեկ՝ մարտի 29-ին, Ոստիկանության Շիրակի մարզային վարչության ծառայողները՝ վարչության պետ Արամ Ղազարյանի, Ոստիկանության Կումայրիի բաժնի քրեական հետախուզության բաժանմունքի ծառայողները՝ Կումայրիի բաժնի պետ Արամ Ղարիբյանի, Ոստիկանության Մուշի բաժնի ծառայողները՝ բաժնի պետ Արթուր Հակոբյանի գլխավորությամբ, ՀՀ Ոստիկանության քրեական ոստիկանության գլխավոր վարչության աշխատակիցները՝ վարչության պետ Վարդան Վարդանյանի գլխավորությամբ, համագործակցելով Հայաստանի քննչական կոմիտեի Շիրակի մարզային քննչական վարչության քննիչների հետ, վարչության պետ Աղասի Իսահակյանի գլխավորությամբ ձեռնարկելով անհրաժեշտ օպերատիվ-հետախուզական և քննչական համատեղ գործողություններ՝ պարզել են մարտի 27-ին Գյումրիում, Երևանյան խճուղում, թիվ 135 Ա շենքի բնակիչ՝ 26-ամյա Գևորգ Դադրանյանի սպանությունը կատարողի ինքնությունը։

Ինչպես հայտնում է ֆոտոլրագրող Գագիկ Շամշյանը, ոստիկանների և քննիչների կողմից կատարված բացատրական աշխատանքի արդյունքում Կումայրիի Ոստիկանության բաժին է ներկայացել Երևանի բնակիչ՝ 17-ամյա Դավիթ Վ-ն, ով խոստովանել է, որ սպանությունը կատարել է ինքը՝ իր մոտ եղած դանակով։

Շիրակի մարզի ոստիկանների բացատրական աշխատանքի արդյունքում Դավիթ Վ-ն ներկայացրել է նաև հանցագործության գործիք դանակը։

Ավելին՝ այստեղ