Ինչ կլինի, եթե Խաչիկ Ասրյանը չմասնակցի ընտրություններին

Հետևելով վերջին օրերի լրատվական հոսքերին՝ պետք է փաստել.

Չափազանց բարձր ակտիվություն են ցուցաբերում Խաչիկ Ասրյանն ու Հայոց Արծիվները: Ամենուր նրանց գործունեությունը լուսաբանվում է, հետաքրքիր գաղափարներ ենք ի հայտ բերում: Խաչիկ Ասրյանը, իր անկեղծ պոռթկումներով, հետաքրքիր նրբերանգ է բերել քաղաքական դաշտ: Շատ կարևոր է, որ քաղաքական համընդհանուր գզվռտոցի մեջ հանրությունը ունի մի բևեռ, որը բացառապես գաղափարական, ռազմահայրենասիրական դիսկուրս է տանում:

Այս ընտրապայքարում չլիներ Խաչիկ Ասրյանը՝ թերևս ականատես լինեինք բացառապես սև - սպիտակի, գել - գելխեղդի ու այլ անպտուղ գզվռտոցի: Այդ համընդհանուր խայտառակ պատկերում կա մի մարդ, ով խոսում է եկեղեցու պահպանությունից, ավանդական ընտանեկան արժեքներից, երեխաների դաստիարակությունից, հայ - ռուսական ամուր դաշինքից:

Անձամբ ես իմ ձայնը Հայոց Արծիվներին եմ տալու: Խորհրդարանում անպայման պետք է քաղաքական ուժ, որը խարսխված է ազգային արժեքների ու եկեղեցու, ոչ թե որկրամոլության քարոզի վրա: