ԳՇ պետն ու ՊՆ նախարարը պետք է կանգնեն ժողովրդի առաջ և պատասխանեն նրանց հարցերին

Մուրադովի այցը իշխանության որոշ շրջանակներում շփոթմունք է առաջացրել, որ երևի թե ռազմագերիներ են բերում, և իրենք իրենց ԶԼՄ-ների միջոցով, որ ով առաջինը լուրը հայտնի նա կրեդիտ կստանա այս մասին 24TV եթերում հայտարարել է «Լուսավոր Հայաստան» խմբակցության ղեկավար Էդմոն Մարուքյանը։ Պատգամավորը, անդրադառնալով գերիների չվերադառնալու հետ կապված վերջին դեպքերին և Մուրադովի հայտարարությանը, ասել է, որ իշխանությունները ցայտնոտի ու լարվածության մեջ են գցել մեր ժողովրդին․

«Գիտեք, մենք կարող ենք վերլուծել ստացված տեղեկատվությունը առ այն, որ կամ պայմանավորվածություն իրականում եղել է և վերջին պահին չեն տվել ռազմագերիներին և երկրորդ տարբերակն այն է, որ պայմանավորվածություն չի եղել, ուղղակի Մուրադովի այցը իշխանության որոշ շրջանակներում շփոթմունք է առաջացրել, որ երևի թե ռազմագերիներ են բերում, և իրենք  իրենց ԶԼՄ-ների միջոցով, որ ով առաջինը լուրը հայտնի նա կրեդիտ կստանա, և առանց սպասելու, որ ինքնաթիռը գա, տեսնեն ներսում ռազմագերիներ կան թե ոչ, եթե կան ապա ովքեր են, անուն ազգանունները, ո՞նց կարելի է նման նուրբ հարցով փորձել PR անել և դրա վրա ինչ-որ կրեդիտներ աշխատել և մեր  ժողովուրդին այս  ցայտնոտի, լարվածության մեջ պահել, քանի որ դա շատ նուրբ հարց է։ Եվ հիմա, ըստ էության, մինչև Մուրադովի այդ հայտարարությունը եղած իրենց բոլոր հայտարարությունները, որ պետք է ռազմագերիներին տային, չտվին, որ աշխարհաքաղաքական վերլուծություններ են անում Թուրքիա, Ռուսաստան, Հայաստան եռանկյունու մեջ գնտվող հարցերը, մեկ էլ Մուրադովը հայտնում է, որ ինքը չէր գնացել ռազմագերիներին բերելու և մեր իշխանություններն են թյուրիմացության մեջ գցում ժողովրդին։ Այսինքն դա նշանակում է, որ եթե ինքը չէր գնացել ռազմագերի բերելու ուրեմն մեր իշխանությունն է այս տեղեկատվությունը փորձել ինչ-որ կերպ ծառայեցնել իր շահերին և ևս մեկ անգամ խայտառակ է եղել։ Այլ բան է, որ երեք օր չի տևում ցանկացած խայտառակություն, ես հետևում եմ ուշադիր և տեսնում եմ, որ մեդիայում ցանկացած նման ցնցող լուր երեք օր հետո որևէ մեկին չի հետաքրքրում։ Արագ մարում է, օրինակ ԱԽ քարտուղարի հայտարարությունը  երեք օր տևեց, հետո Լենա Նազարյանի հայտարարությունը երեք օր տևեց, այս  դեպքը երեք օր է տևելու։ Բայց հիմա մենք ունենք իրավիճակ, որ ՊՆ-ն, մեր երկրի ամենակարևոր գերատեսչությունը շրջափակված է զինվորների, զինծառայողների ծնողների կողմից և չունենք նախարար, չունենք ԳՇ պետ, որ դուրս կգար, ժողովրդի առաջ կկանգներ և պատասխանատվություն կկրեր, կզրուցեր այս մարդկանց հետ, կասեր, որ իրենք ամեն ինչ անում են, որ ռազմագերիներին բերեն չի ստացվում այս պատճառներով, կամ կստացվի այս  ժամանակում։ Բայց մենք  ամեն ինչ անում ենք, մենք ձեր ծառան ենք, մենք ձեր հարկերով  վարձատրվողն ենք․․․ բա դուք տղամա՞րդ չեք, ոնց եք պատկերացնում, դուք ինչի՞  համար եք  այդ կառույցում, դուք ինչի՞ համար եք ՊՆ նախարար կամ ԳՇ պետ։ Ես դա  ասում եմ, ինձ ասում են առաջինը պետք է վարչապետի հրաժարականը պահանջենք նոր իրենց, բայց մենք նոյեմբերի 10-ից վարչապետի հրաժարականն ենք պահանջում»։ 

www.pressmedia.am