Հայաստանի վարչապետի և զիվորականների հակամարտությունը թափ է հավաքում

Tsargrad.tv-ն գրում է, որ ապրիլի 14-ին խորհրդարանում իր կաբինետի գործունեության մասին հաշվետվություն ներկայացնելիս Հայաստանի վարչապետի հայտարարությունները կրկին փաստեց զինված ուժերի հետ նրա բացահայտ առճակատման հարցը:

Ի պատասխան նախորդ իշխանությունների ներքո 2016 թվականի ապրիլյան ռազմական սրացման ընթացքում հայկական կողմից լքված Լելե Թեփե բլուրը վերադարձնելու կանխամտածված և ձախողված գործողության մասին հարցերին, Փաշինյանը հավաստիացրել է, որ այդ որոշումը կայացրել է գեներալներից մեկը ներկայացնելով զինվորականների կողմից պատրաստված հիմնավորում:

Մինչդեռ, ըստ հայաստանյան և ռուսական մամուլում տեղ գտած բազմաթիվ հրապարակումների, հրամանատարական կետում ռազմական կանոնակարգը խախտած Փաշինյանի կինը՝ Աննա Հակոբյանն է պահանջել գրավել այդ բարձրունքը: Վերջինս, մի քանի ամիս առաջ, Ստեփանակերտի հրամանատարական կետում իր ներկայության մասին հրապարակումներից հետո, հայտարարել էր, որ ինքը ընդամենը «բարոյական օգնություն է ցուցաբերել զինվորականներին»:

Վարչապետը, որը ըստ Սահմանադրության զինված ուժերի գերագույն հրամանատար է դառնում ռազմական դրության պայմաններում, իր խոսքում փորձել է հերքել գեներալ Մովսես Հակոբյանի այն հայտարարությունը, որ Փաշինյանի անձնական հրամանով, պատերազմի երրորդ օրը, չնայած պաշտոնապես հայտարարված զորահավաքին, փաստացի այն կասեցվել է և դադարեցվել է զորամասերի համալրումը: Բազմաթիվ փորձագետներ են բազմիցս խոսել իշխանությունների կողմից մոբիլիզացիայի խափանման մասին ուշադրություն հրավիրելով իրավիճակի տարօրինակության վրա, երբ պատերազմի վերջին երեք շաբաթների ընթացքում պաշտոնական քարոզչությունը, իսկ այլ քարոզչություն արգելված էր, անընդհատ հորդորում էր զորահավաքային տարիքի տղամարդկանց կամավորագրվել:

Ի վիճակի չլինելով հերքել գեներալի հայտարարությունները, որը, ի դեպ, չի մեղադրվել սուտ մատնության կամ գիտակցաբար կեղծ տեղեկատվություն տարածելու մեջ, ապրիլի 14-ին կայացած խորհրդարանական նիստում Փաշինյանը ասել է, որ Մովսես Հակոբյանը «ցանկանում էր հանձնել 7-րդ պաշտպանությունը շրջան», բայց ինքը թույլ չի տվել դա անել: Այդ պատճառով էլ, ինչպես հավաստիացրել է վարչապետը, գեներալը նման հայտարարություններ է արել:

Վարչապետը ևս մեկ անգամ հավաստիացրել է պատգամավորներին, որ Հայաստանի զինված ուժերի գլխավոր շտաբի պետ Օնիկ Գասպարյանը չորրորդ օրը չի նախազգուշացրել ռազմական գործողությունների անբարենպաստ ընթացքի մասին: Ի պատասխան Գասպարյանը հերքել է այդ հայտարարությունը և կասկածներ հայտնել սեպտեմբերի 30-ին կայացած Հայաստանի անվտանգության խորհրդի նիստի սղագրության իսկության վերաբերյալ, որը կարող են կեղծել: Արդյունքում, Ազգային ժողովում կառավարության գործունեության վերաբերյալ հաշվետվություն ներկայացնելու պաշտոնական ընթացակարգը, որը բխում է կառավարման խորհրդարանական ձևից, կրկին սրել է վարչապետի և մի խումբ բարձրաստիճան զինվորականների միջև առկա հակամարտությունը:


Անի Սիմոնյան

Pressmedia.am