«Ալյանսը» ընտրություններում հաջողելու իրատեսական հնարավորություններ ունի
Պատերազմից հետո, հատկապես առաջիկա խորհրդարանական ընտրություններին ընդառաջ, բազմաթիվ պրոֆեսիոնալ և սիրողական հարցումներ են անցկացվում ազգաբնակչության շրջանում՝ պարզելու համար, թե որ քաղաքական ուժին են նախապատվություն տալիս ընտրողները։ Այս պահի դրությամբ գրեթե բոլոր հարցումների արդյունքները ցույց են տալիս, որ ընտրողների առնվազն կեսը դեռ չեն կողմնորոշվել ընտրության հարցում։ Եվ սա օրինաչափ է, քանի որ կա տոտալ հիասթափություն իշխանություններից և որոշակի անվստահություն մի շարք ընդդիմադիր ուժերի նկատմամբ։ Օրինաչափ է նաև այն, որ չկողմնորոշված ընտրազանգվածի ձայների առյուծի բաժինը գնալու է այն քաղաքական ուժերին, որոնք չեն նույնացվում ներկաների և հների հետ։
Այս կոնտեքսում բավականին լավ հնարավորություն ունի Տիգրան Ուրիխանյանի «Ալյանս» կուսակցությունը։ Խնդիրն այն է, որ Ուրիխանյանը իր քաղաքական գործունեության ընթացքում աչքի է ընկել պառլամենտական պրոդուկտիվ աշխատանքով, հավասարակշիռ կեցվածքով, ինչպես նաև քաղաքական ինքնուրույնությամբ և անկախությամբ, ինչը կարևոր նախապայման է սեփական քաղաքական օրակարգը ձևավորելու և առաջ տանելու համար։ «Ալյանս»-ն այժմ ակտիվ կուսակցական շինարարությամբ է զբաղված և, դատելով տեսանելի աշխատանքից, պարզ է դառնում, որ այդ քաղաքական ուժն ակտիվ մասնակցելու է խորհրդարանական ընտրություններին և փորձելու է հաջողություն արձանագրել։ Դա իրատեսական է, քանի որ «Ալյանս»-ի օգտին կքվեարկեն ոչ միայն այդ կուսակցության համախոհներն ու համակիրները, այլև հասարակության դեռևս չկողմնորոշված հատվածի մի մասը։
Գլոբալ առումով չկողմնորոշված ընտրողների ձայները փորձելու են վերցնել նաև մյուս քաղաքական ուժերը, սակայն շատերին դա չի հաջողվելու, քանի որ այդ ընտրազանգվածը չի պատրաստվում իր ձայնը տալ ոչ ներկա իշխանություններին, ոչ էլ նախկին կամ նրանց հետ նույնացվող ուժերին։ Այս տեսանկյունից «Ալյանս»-ը շահեկան դիրքերում է։ Մնում է՝ Տիգրան Ուրիխանյանը կարողանա ընտրողներին հասու և ընդունելի դարձնել իր գլխավորած ուժի քաղաքական օրակարգի մրցունակությունն ու կենսունակությունը։ Այդուհանդերձ, քաղաքական դաշտի հիմնական դերակատարների և ընտրություններում հաղջողություն արձանագրելու հիմնական հավակնորդների (ԲՀԿ, ԼՀԿ, Հայրենիք, ՀՀԿ, Ռոբերտ Քոչարյանի ստեղծվելիք դաշինքը) կողքին լավ ու իրատեսական շանսեր ունի նաև «Այլանս» կուսակցությունը, ինչը օրինաչափ է՝ հաշվի առնելով այդ ուժի քաղաքական դիրքավորումն ու առաջնորդի անձնական և քաղաքական որակները։
Անի Սիմոնյան
Pressmedia.am
1
2
3
4
5
1
2
3
4
5
1
2
5
