Հայաստանը հոգնել է Փաշինյանից և նրա պատմություններից

Terrnews.com-ը գրում է, որ Հայաստանի տանջված քաղաքացիները ցանկանում են ապրել բոլորովին այլ երկրում: Նրանք հոգնել են քաղաքական գործիչների ընտրությունից, առանց ընտրության ընտրություններից, նրանք հոգնել են այն մարդկանց դատարկ ելույթներից և մշտական արդարացումներից, որոնց լիազորել է ճակատագրական որոշումներ կայացնել: Քաղաքացիները ցանկանում են պատասխանատու ազգային վերնախավ, այլ ոչ թե աջ ու ձախ դատարկ խոստումներ բաժանող պաշտոնյաներ: Նրանք անվերջ սթրեսի և հետընթացի փոխարեն ցանկանում են խաղաղություն և բարգավաճում: Բայց ամենակարևորը, հայերի մեծամասնությունը ցանկանում է մի համակարգ, որը կորոշի դեպի ապագա շարժման ուղենիշները: Սա է խնդրի էությունը` կենտրոնանալ ապագայի վրա:

Փաշինյանն անցյալ է, իսկ նախկիններն արդեն պատմություն են: Հիմնարար կետն այն է, որ ժամանակն է հասկանալ մեկ պարզ ճշմարտություն. Երրորդ հանրապետությունն ապրում է իր վերջին օրերը: Ինչո՞ւ: Բազմաթիվ պատճառներ կան, բայց հիմնական պատճառը մեկն է՝ այն չկարողացավ գլուխ հանել իր հիմնական առաքելությունից, որն է` Միացման գործընթացը ավարտելը: Երրորդ հանրապետությունը ծնվել է հենց այդ շարժման շնորհիվ, հենց այդ գաղափարախոսությունն է ոգեշնչել բազմամիլիոնանոց համայնքին և ցեղասպանությունից, պատմական հողերի մեծ մասի և ազգային ժառանգության կորստից հետո հոգեբանական վերականգնման հույս ներշնչել: Իսկ իրականում հայերը ստացան աղքատ և շարունակական աղքատացող երկիր, ֆեոդալա-քրեաօլիգարխիկ համակարգ, փլուզված գիտություն և կրթություն, սահմանափակ ռեսուրսների վատնում, բնակչության համընդհանուր արտագաղթ՝ ներառյալ մտավորականություն և պարտություն պատերազմում: Սա երրորդ հանրապետության իրական ժառանգությունն է:

Ցավալի է, որ առաջիկա ընտրությունները պատմություն չեն այն մասին, թե ինչպես չորացնել փտած ճահիճը և սկսել կառուցել պետություն և ազգ: Սա պատմություն է այն մասին, թե ինչպես ևս մեկ անգամ պետականությունը սպանողներից մեկին հնարավորություն տալ մի փոքր ավելի նստել կառավարության աթոռին: Ինչի՞ համար: Երևի թե այն մնացածը վերացնելու և «Իմաստ ունի՞ մնալ այս երկրում, թե՞ ոչ» հարցով տատանվողներին կասկածի տեղ չթողնելու համար:

Կարեն Սիմոնյան
Pressmedia.am