Հրապարակվել է ադրբեջանական դիրքերի վրա հայկական գրոհային ինքնաթիռի «խելահեղ» հարձակման տեսանյութը

Discover24.ru-ն գրում է, որ հրապարակվել է ադրբեջանական դիրքերի վրա հայկական գրոհային ինքնաթիռի «խելահեղ» հարձակման տեսանյութը: Երկրորդ ղարաբաղյան պատերազմի ընթացքում Հայաստանը կորցրել է մեկ Սու -25 գրոհային ինքնաթիռ:

Այնուամենայնիվ, ինքնաթիռը, որը երևում է վերջերս համացանցում տեղադրված տեսանյութում, դժվար թե հայտնվեր ադրբեջանական բանակի կրակի տակ: Այդ տեսանյությում Սու-25-ը փոթորկի նման գրոհում է թշնամու դիրքերը և դա անում է բավականին մեծ խելահեղությամբ: Տեսանյութը մեկնաբանողները զարմացած են օդաչուի արկածախնդրությունից, որն էլ հենց տվյալ դեպքում փրկություն է դարձել հարձակվող ինքնաթիռի համար: Անգամ առանց թաքնվելու փորձ կատարելու ինքնաթիռը մեծ արագությամբ թռչում է ուղղակիորեն դեպի ադրբեջանական զորքերի դիրքերը և հզոր հարված հասցնում: Այստեղ անակնկալի գործոնն է առանցքային դեր խաղացել. մինչ հակառակորդի բանակի մարտիկները փորձել են ձեռքի զենիթային հրթիռային համակարգերը գործարկել՝ ինքնաթիռը կարողացել է անհետանալ:

«Միգուցե այս հարձակումը կարելի է ներառել պատմության մեջ ամենախելահեղների ցանկում», - մեկնաբանություններում գրել է օգտատերերից մեկը:

Երկրորդի արձագանքը ևս մոտավորապես նույն երանգի է. «Խենթ հարված, չկա աջակցություն, չկան «մերոնք» ... Բայց ուղիղ թիրախի վրա, սատանան տանի»:

Նման տեսանյութեր դիտելիս կարելի է հանգել այն եզրակացությանը, որ եթե Հայաստանը ավելի հաճախ օգտագործեր ավիացիան, ապա պատերազմի արդյունքը կարող էր բոլորովին այլ լինել:


Անի  Սարդարյան
Pressmedia.am