ՀՀ կառավարության 704-Ն առ 04.05.2021 թ. որոշումը ակնհայտ հակասահմանադրական է

Հրանտ Սարկիսովը ֆեյսբուքյան իր էջում գրում է.
Սույն որոշումով կառավարությունը մասնավորապես որոշել է.

1. ԵՊՀ պրոֆեսորադասախոսական կազմը նշանակում է Խորհրդի անդամների 10% (նախկին 25%-ի փոխարեն),

2. Հանրապետության վարչապետը՝ 55%,

3. Լիազոր մարմինը՝ ԿԳՄՍ նախարարությունը 10%,

4. ՈւԽ-ն՝ 25%։

Փաստացի, կառավարության կայացրած որոշումը ուղիղ հակասում է Հայաստանի Հանրապետության Սահմանադրության 38-րդ հոդվածի («Կրթության իրավունքը») 3-րդ մասին, որը երաշխավորում է.

«Բարձրագույն ուսումնական հաստատություններն օրենքով սահմանված շրջանակներում ունեն ինքնակառավարման իրավունք, ներառյալ ակադեմիական եւ հետազոտությունների ազատություն»։

Հաշվի առնելով այն հանգամանքը, որ ՀՀ վարչապետը եւ ԿԳՄՍ նախարարը միասին կարող են նշանակել Խորհրդի անդամների ոչ ավել, ոչ պակաս 65%-ը՝ խոսել Սահմանադրությամբ երաշխավորված բուհի ինքնակառավարման, ակադեմիական եւ հետազոտությունների ազատության մասին, պարզապես ծիծաղել է։

Իշխող կաբինետը հերթական անգամ ի ցույց է դնում, որ Հանրապետության Մայր օրենքը իրենց համար ոչ այլ ինչ է, քան սեւացրած թղթի էջեր։ Վստահ եմ, որ ԵՊՀ-ն կարողանալու է ինքնապաշտպանվել, ավելին հաջողությամբ կարողանալու է դիմագրավել կաբինետի կողմից ոտնձգություններին։

P.S. Ցանակցած եղանակով սատարելու եմ Համալսարանական ընկերներիս։