Երիտասարդ մաշկ՝ երկար տարիներ․ դիմակ Սոֆի Լորենից

Սոֆի Լորենի առաջարկած դիմակը հիանալի լրացուցիչ խնամք է, որը օգնում է մնալ երիտասարդ:

Սոֆին ինքն իրեն թույլ չի տալիս վատ տեսք ունենալ նույնիսկ 81 տարեկանում: Իսկ գաղտնիքը բնական միջոցների հանդեպ սերն է:

Իր հարցազրույցներում լեգենդար Սոֆի Լորենը ասում է, որ կանացի գեղեցկության հիմնական գրավականն են՝ մակարոնի լավ չափաբաժինը, առողջ քունը և կողքին՝ սիրած տղամարդը: Դերասանուհին երբեք չի եղել կոսմետոլոգիայի երդվյալ կողմնակիցը և ավելի շատ նախընտրում է բնական խնամքը: Մասնավորապես, ձիթապտղի ձեթը, որը դերասանուհին երկար տարիների ընթացքում քսում է իր դեմքի ու մարմնի մաշկին և Սոֆի Լորենի երիտասարդացնող դիմակը՝ շաբաթը երկու անգամ:

Սոֆի Լորենի դիմակը.

Պատրաստման համար անհրաժեշտ են ժելատին, կաթ կամ սերուցք, ձիթապտղի ձեթ, մեղր և սպիտակ չոր գինի:

Բացում եք մեկ թեյի գդալ ժելատինը 100 մլ կաթով կամ սերուցքով (սերուցքը շատ լավ է չոր մաշկի դեպքում): Լավ խառնում եք: Որպեսզի ժելատինը լավ հալվի՝ տաքացրեք կաթը: Խառնուրդը դրեք սառնարան՝ պահելով 6 ժամ:

Վեց ժամը լրանալուց հետո ավելացրեք մեկ թեյի գդալ ձիթապտղի ձեթ, մեղր և սպիտակ գինի: Լավ խառնեք, որպեսզի բաղադրիչները դառնան մեկ ամբողջություն:

Քսեք դիմակը մաքուր մաշկի վրա, շաբաթը երկու անգամ: Երկու ամսից հետո դադար եք տալիս և վերսկսում 30 օր հետո:

Դիմակն ունի լիֆտինգային և խոր սնուցող ազդեցություն: Այն շատ լավ երիտասարդեցնում է, թարմացնում մաշկը: Մեկ արարողակարդից հետո մանր կնճիռները վերանում են:

Եթե ձեր մաշկը յուղոտ է, փոխարինեք կաթը կեֆիրով իսկ ձիթապտղի ձեթի փոխարեն ավելացրեք անտառային ընկույզի ձեթ: Այս կերպ դուք ոչ միայն հոգ կտանեք ձեր մաշկի մասին, այլև այն կդարձնեք պակաս յուղոտ:

Մաքրեք դիմակը 30 րոպե անց, գոլ ջրով և դեմքը լվացեք լորենու կամ եղեսպակի թուրմով:

Աղբյուր՝ LADYNEWS.am