Համախոհները Փաշինյանին մեղադրել են Հայաստանի քայքայման վտանգի մեջ

Politexpert.net-ը գրում է, որ Հայկական Ազգային Կոնգրես (ՀԱԿ) կուսակցության փոխնախագահ Լևոն Զուրաբյանը Երևանում տեղի ունեցած համագումարում ասել է, որ Հայաստանի վարչապետի պաշտոնակատար Նիկոլ Փաշինյանը խափանել է բանակցային գործընթացը և դրանով իսկ վտանգել երկրի ամբողջականությունը:

Ամերիկամետ այդ կուսակցությունը հիմնադրվել է 2008 թվականին` հանրապետության նախկին նախագահ Լևոն Տեր-Պետրոսյանի կողմից: Նա համարվում է Փաշինյանի «քաղաքական կնքահայրը» և համախոհը, բայց վերջերս Տեր-Պետրոսյանը բազմիցս սկսել է քննադատել վարչապետի պաշտոնակատարին և կոչ է արել հրաժարական տալ:

ՀԱԿ համագումարում ելույթ է ունեցել կուսակցության համակարգող Լևոն Զուրաբյանը: Նա մի քանի լուրջ գրոհ է կատարել Փաշինյանի նկատմամբ, և նրան մեղադրել նաև Լեռնային Ղարաբաղը Ադրբեջանին հանձնելու մեջ. «Փաշինյանը, խելահեղ համառությամբ անտեսելով ադրբեջանա-թուրքական ռազմական մեքենայի հսկա տեխնոլոգիական առավելությունը, մերժել է արժանապատիվ կարգավորման ծրագիրը 2019-ին, 2020-ի գարնանն ու ամռանը, պատերազմի նախօրեին և դրա առաջին օրերին, Արցախին ու Հայաստանին հասցրել պարտության», - ընդգծել է Զուրաբյանը:

Իր խոսքում ՀԱԿ փոխնախագահը հիշեցրել է նաև նոր միջադեպերը, երբ Ադրբեջանի հետ սահմանակից Հայաստանի մարզերում (Սյունիք, Գեղարքունիք և Վայոց Ձոր) մայիսի 12-ից Ադրբեջանի զինված ուժերի խմբերը ապօրինի հատել են Հայաստանի պետական սահմանը, իբր թե` «սահմանները ճշգրտելու» նպատակով:

«Պարզվել է, որ մենք չունենք ոչ միայն բանակ և սահմանապահներ տեղում, այլ գոնե տարրական գրագիտություն` դիվանագիտական միջոցներով Ռուսաստանին և ՀԱՊԿ-ին դիմելու և փոխօգնության մեխանիզմները օգտագործելու համար», - ասել է Զուրաբյանը։


Աննա Սայադյան

Pressmedia.am