Դեսպան Քոչարյանը լիբանանահայ հաստատություններին է փոխանցել ՀՀ Նախագահի նվիրատվությունը
Հասարակություն
Լիբանանում ՀՀ դեսպանությունում կազմակերպվել է հանդիսավոր հանդիպում հայկական «Ազդակ», «Զարթոնք» և «Արարատ» օրաթերթերի, ինչպես նաև Ջբեյլի «Թռչնոց Բույն» հաստատության և հայ համայնքի ընկերային ծառայողների միության մտավոր խնդիրներ ունեցող հայ մանուկների «Զվարթնոց» կենտրոնի ղեկավարների հետ:
Ինչպես «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության եւ հասարակայնության հետ կապի վարչությունից, Լիբանանում ՀՀ դեսպան Աշոտ Քոչարյանը ներկաներին փոխանցել է ՀՀ Նախագահ Սերժ Սարգսյանիշնորհավորական նամակները, ինչպես նաև դրամական նվիրատվությունն Ամանորի և Սուրբ Ծննդյան տոների կապակցությամբ: Լիբանանահայ օրաթերթերին հասցեագրված ՀՀ Նախագահի ուղերձում, մասնավորապես նշվում է.
«Համոզված եմ, որ ինչպես այս՝ Հայոց ցեղասպանության 100-րդ տարելիցի տարում, այնպես էլ հետագայում նաև Ձեր մտքի և գրչի ճկունության շնորհիվ պատվով և հաղթանակած դուրս կգաք բոլոր դժվարություններից և քարոզչական պատերազմից՝ շարունակելով բարձր մակարդակով լուսաբանել համահայկական նշանակություն ունեցող հարցերը: Վստահ եմ, որ հետևողականորեն կներկայացնեք համայն հայությանը հուզող խնդիրները՝ հրապարակելով հիշարժան նյութեր Հայաստանի, Արցախի ու սփյուռքի, հայ ժողովրդի հարուստ պատմության, ժառանգության ու արժեքների մասին»:
«Թռչնոց բույն»-ի և «Զվարթնոց»-ի տնօրինությանը հասցեագրված նամակներում ՀՀ Նախագահը բարձր է գնահատել մանկավարժների անձնուրաց և հայանպաստ գործունեությունը՝ ուղղված հայ մանուկների և երիտասարդների կրթական և ֆիզիկական զարգացմանը, նրանց հոգեբանական վիճակի բարելավմանը: ՀՀ Նախագահը հավաստիացրել է, որ «Հայրենիքը միշտ ձեր թիկունքին է և հպարտությամբ հետևում է ձեր հաջողություններին»:
Լրատվամիջոցների, «Թռչնոց բույն» հաստատության և «Զվարթնոց» կենտրոնի ղեկավարներն իրենց խորին երախտագիտությունն ն հայտնել ՀՀ Նախագահ Սերժ Սարգսյանին շարունակական հոգատարության և ուշադրության համար` հավաստիացնելով, որ ջանք չեն խնայի շարունակելու իրենց գործունեությունը հայապահպանության, հայեցի դաստիարակության և Հայաստան-Սփյուռք գործակցության խորացման ուղղությամբ:
1
2
3
4
5
1
2
3
5
1
2
3
4
5
