Կինոյի մասին օրենքի ընդունումը զարկ կտա Հայաստանում համատեղ ֆիլմարտադրության զարգացմանը
Մշակույթ
Կինոյի մասին օրենքի ընդունումը զարկ կտա Հայաստանում համատեղ ֆիլմարտադրության զարգացմանը: Այս մասին դեկտեմբերի 25-ին կայացած տարվա ամփոփիչ ասուլիսի ժամանակ ասաց ՀՀ մշակույթի նախարարի տեղակալ Արթուր Պողոսյանը:
«Ընթացիկ տարում կինոարվեստի բնագավառում Մշակույթի նախարարությունը առաջին հերթին փորձում էր կարգի բերել ոլորտի օրենսդրական դաշտը: Նախարարի հրամանով ստեղծվել էր խորհուրդ, որը զբաղվում էր կինոյի մասին օրենքի մշակմամբ: Այդ օրենքի մի տարբերակը մշակված է, գտնվում է կառավարությունում և, կարծում եմ, 2016թ. կառավարությունը այն կհաստատի և կուղարկի Ազգային ժողով: Այս օրենքի դրույթների համաձայն, փորձելու ենք կինոարտադրության համար Հայաստանում ստեղծել արտոնյալ պայմաններ՝ հիմնականում բարենպաստ մթնոլորտ ստեղծելով միջազգային ներդրումների հա մար», - «Արմենպրես»-ի հաղորդմամբ՝ ասաց Արթուր Պողոսյանը:
ՀՀ մշակույթի նախարարի տեղակալը հավելեց, որ ոլորտը պետական միջոցներով, բնականաբար, դժվարանում է մեծակտավ գործեր ստեղծել, ինչը հնարավոր կլինի միջազգային ներդրումների դեպքում:
1
2
3
4
5
1
2
3
4
1
2
