Նռան 5 օգտակար հատկանիշների մասին

 

Աշնան վերջին օրերին և ձմռան մեկնարկին հայաստանյան խանութներում նռան բազմաթիվ տեսակներ են հայտնվում՝ տարբեր չափերի, համի ու գույնի: Ընթացիկ նյութի շրջանակում Ձեր ուշադրության եմ ներկայացնում նռան հինգ օգտակար հատկանիշները

 

Վիտամիններ և օգտակար նյութեր

 

Նուռը, ինչպես բազմաթիվ այլ մրգեր, վիտամինների ու միներալների հարուստ պաշարով է աչքի ընկնում: Այն հատկապես С, B6, В12 և Р վիտամինների բարձր բաղադրություն ունի: Օրգանիզմի համար օգտակար օրգանական և միներալային նյութերից նռան բաղադրության մեջ առավել մեծ ծավալներով յոդ, կալցիում, կրեմնիում և երկաթ կարելի է գտնել: Միրգը նաև ամինաթթուներով է հարուստ. հատկանշական է, որ վերջիններս մեծամասնորեն մսի բաղադրությանն են հատուկ և չեն կարող այլ մրգատեսակների բաղադրության մեջ գտնվել:

 

Հորմոնային համակարգ

 

Համարվում է, որ նուռը բարենպաստ ազդեցություն է թողնում հորմոնային համակարգի վրա, ուստի հորմոնային խանգարումներով տառապող մարդկանց (ինչպես և դաշտանադադարի փուլ անցած կանանց) խորհուրդ է տրվում սննդակարգի մեջ անպայման նաև այս մրգատեսակը ներառել: Նռան բաղադրությունը կազմող յուղերը կարող են ոչ միայն հորմոնային ակտիվություն խթանել, այլ նաև գրգռվածության ու գլխացավի հաղթահարման միջոց դառնալ:

 

Սրտանոթային համակարգ

 

Բազմաթիվ մասնագետներ պնդում են, որ նռան պարբերական կիրառմամբ կարելի է արյունատար անոթների մակերեսին աթերոսկլերոտիկ վահանիկները կուտակումը, արդյունքում էլ՝ ինսուլտի և ինֆարկտի առաջացումը կանխարգելել:

 

Գեղեցկություն

 

Նռան հատիկները գեղեցկությունը պահպանելու ներուժ ունեն. դրանց բաղադրությունը կազմող վիտամինների և միներալային նյութերի շնորհիվ նուռը բարենպաստ ազդեցություն է թողնում մարդու մաշկի վրա և այն առավել առողջ ու գեղեցիկ դարձնում: Նռան հյութը կարելի է նաև մաշկի սպիտակեցման և պիգմենտային հետքերի վերացման նպատակով օգտագործել:

 

Պզուկային ցանի դեպքում ևս նռան հյութը կարող է օգտակար գտնվել, քանի որ մանրէասպան եւ հակաբորբոքային հատկանիշներով է աչքի ընկնում:

 

Ցածր կալորիականություն

 

Նուռը չափազանց քիչ կալորիաներ է պարունակում, ուստի և իդեալական սննդամթերք է իրենց կառուցվածքով մտահոգված մարդկանց համար: Մրգի հատիկների 100 գրամի մեջ, կախված տեսակից, ընդամենը 50-80 կկալ կարելի է գտնել: Հյութի մեջ կալորիականության մակարդակը նույնիսկ ավելի ցածր է կազմում՝ 40-65 կկալ՝ 100 միլիլիտրի մեջ: