34-ամյա տղամարդու մոտ․ հայտնաբերվել է ( սև բորբոս ) նրա կյանքին վտանգ է սպառնում

Մեքսիկայի նահանգներից մեկի բժիշկները մուկորմիկոզ են հայտնաբերել 34-ամյա տղամարդու մոտ, սնկային ինֆեկցիայի բարդացումը տեղի է  ունեցել COVID-19-ով վարակվելուց հետո։ Այժմ հիվանդի կյանքին վտանգ է սպառնում, հայտնում է Milenio-ն ՝ հղում անելով հիվանդի ընտանիքին:   Այս մասին հայտնում է «ՌԻԱ Նովոստին»։   «Օտոլարինգոլոգը նրա մոտ ախտորոշել է մուկորմիկոզ՝ «սև բորբոս»։ Նրան շտապ վիրահատություն է պետք», – ասել է հիվանդի եղբայրը:   Տղամարդու մոտ COVID-19 ախտորոշված է եղել մայիսի 10-ին: Չնայած շաքարային դիաբետին՝ նա առանց որևէ խնդրի մնացել է տանը և առանց բացասական թեստ հանձնելու վերադարձել է աշխատանքի: Մայիսի 26-ին նրա ինքնազգացողությունը վատացել է, դադարել է ուտել, իսկ երեք օր անց դեմքի նյարդի կաթվածով տեղափոխվել է հիվանդանոց: Հունիսի 1-ին հիվանդը դադարել է խոսել, և այժմ բժիշկները պատրաստվում են հեռացնել նրա ձախ աչքը: Հարազատները, հղում անելով բժիշկներին, խոսում են ուղեղի վարակի և մահվան վտանգի մասին: Ավելի վաղ հայտնել էինք, որ Հնդկաստանում հայտնաբերվել էր մուկորմիկոզով վարակման ավելի քան 8,8 հազար դեպք, որը հայտնի է նաև որպես «սև բորբոս»: Այս մասին հայտնել էր երկրի քիմիական արդյունաբերության նախարար Սադանանդա Գովդայը:   Նա նշել է, որ Հնդկաստանի բոլոր նահանգներին ընդհանուր առմամբ հատկացվել է ավելի քան 23 հազար շիշ հատուկ հակասնկային միջոց:   «Հատկացումը կատարվել է հիվանդների ընդհանուր թվի հիման վրա, որը հանրապետությունում կազմում է 8848 մարդ», – ասել է Գովդան: 

Ավելին՝ այստեղ