Բլոկչեյն և թռիչքներ Մարս․Հայաստանի նախագահը իր համար ստեղծում է ԱՊՀ-ի «ամենաառաջադեմ» քաղաքական գործչի համբավ

Akcent.site-ն գրում է, որ Հայաստանի խորհրդարանական ընտրությունների նախօրեին Հայաստանի նախագահ Արմեն Սարգսյանը հայտարարել է նոր ներդրումային ծրագրի մեկնարկի մասին: Երկիրը պատրաստվում է կառուցել արևային և քամու էլեկտրակայաններ` 400 ՄՎտ ընդհանուր հզորությամբ: Շինարարությունը կիրականացնեն արաբ ներդրողները, հիմնականում` ԱՄԷ-ի պետական Masdar ընկերությունը: Նպատակն է, որ Հայաստանի էլեկտրաէներգիայի մեկ քառորդը արտադրվի վերականգնվող աղբյուրներից մինչև 2025 թվականը: Ջերմոցային արտանետումները բնականաբար համամասնորեն կնվազեն:

Սակայն բանն այն է, որ Սարգսյանը հենց նույն ծրագրի մասին հայտարարել էր դեռ 2019 թվականի հունվարին` ԱՄԷ պաշտոնական այցից հետո: Միևնույն ժամանակ խոստացել էր, որ Masdar-ը մոտ 300 միլիոն դոլլար կներդնի Հայաստանի էլեկտրաէներգիայի արդյունաբերության մեջ, և դատելով այն փաստից, որ նախկին խոստումը կրկին ու կրկին կրկնվում է արդեն երկու տարվա ընթացքում՝ այն չի վերածվել իրական գործի:

Կարող ենք հիշել Ուզբեկստանի օրինակը: 2019 թվականի նոյեմբերին Masdar-ը երկրի կառավարության հետ համաձայնագիր էր ստորագրել 100 Մվտ հզորությամբ Navoi արևային էլեկտրակայան կառուցելու մասին, իսկ այս տարվա հունվարին ուզբեկական կայանը սկսել են կառուցել, և այն շահագործման կհանձնվի մինչ սեպտեմբեր: Իսկ հայերին խոստացածը ընդամենը միայն միայն թղթի վրա է:

Պետք է նաև ի նկատի ունենալ այն փաստը, որ Սարգսյանը նախկինում եղել է ֆիզիկոս և նույնիսկ դասավանդել է Քեմբրիջում: Իր նախագահության ընթացքում նա ամեն կերպ փորձել է ստեղծել «առաջադեմ» նախագահի կերպար: Նա հանդիպներ է ունենում Siemens- ի և Apple-ի նման տեխնոլոգիական հսկաների ղեկավարների հետ: 2019 թվականից Սարգսյանի հովանու ներքո անց է կացվում Armenian Summit of Minds հայկական գագաթնաժողովը նվիրված բլոկչեյնի և արհեստական բանականության զարգացմանը: Իսկ սեպտեմբերին Սարգսյանը պատրաստվում է Երևանում անցկացնել Starmus փառատոնը ... նվիրված Մարսի բնակեցմանը: Բարձր նշաձող է վերցրել:


Աննա Սայադյան
Pressmedia.am