Մեկ ամիս առաջ անհետ կորած զինծառայողի վերաբերյալ դեռ որևէ տեղեկություն չկա

Մեկ ամիս առաջ անհետ կորած զինծառայողից որևէ տեղեկություն դեռ չկա: Այս մասին Analitik.am-ի հետ զրույցում ասաց Կողբ համայնքի ղեկավար Արսեն Աղաբաբյանը:

Հիշեցնենք, որ անհետ կորած զինծառայողը վերոնշյալ համայնքից է:

Զինծառայողի անհետանալուց հետո ՊՆ-ն հայտարաություն էր տարածել, որում մասնավորապես ասված էր.

Ս.թ. մայիսի 18-ին, ժամը 22:10-ին, ՊՆ N զորամասից ՌՈ Վարդենիսի բաժին հեռախոսագիր է ստացվել առ այն, որ նույն օրը, ժամը 17:00-ի սահմաններում, նույն զորամասի ժամկետային զինծառայող, շարքային Ն. Մկրտչյանն ինքնակամ թողել է ստորաբաժանման պահպանության տարածքը և ընդգրկված է զորամասն ինքնակամ թողած զինծառայողների ցուցակներում:

Փաստի առթիվ ՀՀ ՊՆ ՌՈ Վարդենիսի բաժնում նախապատրաստվում են նյութեր:

Հավելենք, որ զորամասն ինքնակամ թողնելը համարվում է քրեական հանցակազմ պարունակող արարք, իսկ նման դեպքերում մամուլի հաղորդագրություն չի տարածվում՝ նախաքննության ընթացքին և զինծառայողին հայտնաբերելու օպերատիվ միջոցառումներին չխանգարելու նպատակով։