Օդի ջերմաստիճանը կնվազի. սպասվում է անձրև և ամպրոպ, առանձին հատվածներում՝ նաև կարկուտ

Հուլիսի 9-13-ն Արարատյան դաշտում և նրա նախալեռներում, Վայոց ձորի նախալեռներում, Սյունիքի հովտային գոտում և Երևանում սպասվում է բարձր կարգի հրդեհավտանգ իրավիճակ:

Հանրապետության տարածքում`

Հուլիսի 10-13-ին առանձին շրջաններում, 9-ին՝ շրջանների զգալի մասում հիմնականում կեսօրից հետո և գիշերը սպասվում է անձրև և ամպրոպ, առանձին հատվածներում նաև կարկուտ։

Քամին՝ հյուսիս-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում 15-20 մ/վ արագությամբ։

Օդի ջերմաստիճանը հուլիսի 9-ի ցերեկը կնվազի 2-3 աստիճանով, 11-13-ի ցերեկն աստիճանաբար կբարձրանա 3-5 աստիճանով։

Երևան քաղաքում՝

Հուլիսի 11-13-ին սպասվում է առանց տեղումների եղանակ: Հուլիսի 9-10-ին՝ կեսօրից հետո և գիշերը քաղաքի առանձին հատվածներում սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում 15-20մ/վրկ:

Երևան քաղաքի հուլիսի 9-ի բազմամյա կլիմայական տվյալներ.

Օդի առավելագույն ջերմաստիճան՝                 38.60C (1986 թ.)
Օդի նվազագույն ջերմաստիճան՝                     12.60C (1957 թ.)
Օդի միջին օրական ջերմաստիճան՝               24.00C