Աշխարհի ամենաինտելեկտուալ շիկահերների տասնյակը

Այս շիկահերներին հաջողվել է կառուցել հաջող կարիերա, հիմնել ծանրակշիռ բիզնես եւ հասնել այնպիսի բարձունքների, որոնց մասին տղամարդիկ կերազեին… Այդ շիկամազ լեդիներից շատերն իրենց ինտելեկտի բարձր ցուցանիշով' IQ-ով, շարժում են գիտության նշանավոր ներկայացուցիչների նախանձը:

1. Անգելա Մերկել, ԳԴՀ կանցլեր

Գերմանիայի Դաշնային Հանրապետության կանցլեր Անգելա Մերկելը տարիներ շարունակ համարվում էր աշխարհի ամենաազդեցիկ կինը' Forbes-ի ցուցանիշներով, եւ միայն 2010-ին այդ տեղը զիջեց Միշել Օբամային: Մասնագիտությամբ ֆիզիկ Անգելա Մերկելը 1989 թվականին դարձավ «Ժողովրդական զարթոնք»  կուսակցության անդամ, ապա մտավ Քրիստոնեադեմոկրատական կուսակցություն եւ շուտով սկսեց գլխավորել այն: 2005 թվականին նա հաղթանակ տոնեց խորհրդարանական արտահերթ ընտրություններում եւ դարձավ Գերմանիայի առաջնորդը:

2. Հիլարի Քլինթոն, ԱՄՆ պետքարտուղար

Նրան համարում են ուժեղ եւ իմաստուն քաղաքական գործիչ, ով շատ հարցերում գերազանցում է ամուսնուն, եթե անգամ նա նախագահ էր... Հիլարի Քլինթոնն ԱՄՆ 42-րդ նախագահ Բիլ Քլինթոնի տիկինն է: Քաղաքագետները կարծում են, որ Հիլլարի Քլինթոնը, լինելով նախագահի կինը, սկսել է իր  «քաղաքական խաղը», որի յուրաքանչյուր քայլը մանրակրկիտ հաշվարկված էր... Հենց դա էլ թույլ տվեց սկսել սեփական կարիերան: Ի դեպ, Քլինթոնն ԱՄՆ-ի պատմության մեջ այն առաջին տիկինն է, որ առաջին անգամ դարձավ պետքարտուղար:

3. Ջոան Ռոուլինգ, գրող, «Հարի Փոթերի» մայրիկը

Այս շիկահերին հաջողվել է ոչ միայն զբաղվել սիրելի գործով' գրքեր գրելով, այլեւ վաստակել մի ամբողջ կարողություն: «Հարի Փոթերի» հեղինակ Ջոան Ռոուլինգը պարբերաբար հայտնվում է աշխարհի ամենահաջողակ կանանց ցանկում:

4. Մերի Քեյ, «Մերի Քեյ» կոսմետիկայի բրենդի հիմնադիր

Այս լեդին կարողացավ հիմնադրել կոսմետիկայի հսկայական «կայսրություն»' Mary Kay-ը, որը հանրաճանաչ է ամբողջ աշխարհում: Այն բրենդի «մայրիկին» հսկայական կապիտալ բերեց:

5. Շերոն Սթոուն, դերասանուհի

Այս սեքսուալ կին-լեգենդը համարվում է աշխարհի ամենախելացի կանանցից. նրա ինտելեկտի մակարդակը' IQ-ն, բարձր է 150-ից: Նախքան Հոլիվուդը նվաճելը Շերոնն արդեն հասցրել էր ձեռ ք բերել աշխարհի ամենահեղինակավոր համալսարաններից մեկի արվեստի եւ բանասիրության ֆակուլտետի դիպլոմը:

6. Ջոդի Ֆոսթեր, դերասանուհի

Հոլիվուդյան այս գեղեցկուհին գերազանցությամբ ավարտել է աշխարհի ամենավարկանիշային համալսարաններից մեկը' Յալին: Ջոդի Ֆոսթերը գերազանց տիրապետում է ֆրանսերենին, MENSA խմբի անդամ է, որը միավորում է 130-ից բարձր IQ ունեցող մարդկանց: Ջոդիի ինտելեկտի մակարդակը 132 է:

7. Մադոննա, փոփ-դիվա
Մադոննայի ինտելեկտի մակարդակը' IQ-ն, 140 է: Նա եւս MENSA-ի անդամ է, չնայած որ չունի բարձրագույն կրթություն:

8. Գոլդի Հոուն, դերասանուհի

Նա համարվում է Հոլիվուդի ամենաբարեհամբույր աստղերից մեկը, որը շատ հմտորեն է հարաբերվում լրատվամիջոցների հետ: Շատերն են նշում նրա բնատուր իմաստնության եւ զսպվածության մասին: Հոունի IQ-ի մակարդակը 130-ից բարձր է:

9. Քեթ Դիլի, հեռուստահաղորդավարուհի

Վերջին ժամանակներս ամերիկյան ԶԼՄ-ն ամենախելացի հայտնի կանանց առաջին հորիզոնականներում հաճախ է տեղ տալիս հանրահայտ հաղորդավարուհի Քեթ Դիլիին: Այս շիկահերի կարիերան աննախադեպ ընթացք ունեցավ, երբ նա հարցազրույց արեց Քայլի Մինոուգի հետ, որը առաջինն էր երգչուհու համար հիվանդությունից հետո (կրծքի քաղցկեղ):
Այսօր Քեթի  «So you think you can dance?» (Այսպիսով, կարծում ես' կարո՞ղ ես պարել) հեռուստաշոուն ամենավարկանիշայիններից է ԱՄՆ-ում:

10. Կոլին Մակլաֆլին, մոդել, ֆիթնեսի մարզիչ

Այս շիկահերը եւս ամենից հաճախ է հայտնվում ամենահաջողակ եւ խելացի կանանց ցանկում: Նա պայմանագրեր ունի Nike եւ LG բրենդների հետ, սեփական ֆիթնես-ծրագրերի թողարկումներ է անում, հանրահայտ Scouse ամսագրում սյունակ ունի, մի շարք գրքեր, ներքնազգեստի, զարդեղենի եւ օծանելիքի հոսքագիծ: