Մոտ 1.500 զինվոր կմասնակցի Աֆղանստանի սահմանի մոտ վարժանքներին
Ուշադրության կենտրոնումՌուսաստանից եւ Ուզբեկստանից ժամանած շուրջ 1,5 հազար զինծառայողներ կմասնակցեն Աֆղանստանի հետ սահմանի մոտ համատեղ զորավարժություններին: Այս մասին հայտնել է ՌԻԱ Նովոստի-ն՝ հղում անելով Կենտրոնական ռազմական օկրուգի հայտարարությանը:
Միջոցառումը տեղի կունենա հուլիսի 30-ից օգոստոսի 10-ը՝ Ուզբեկստանի Սուրխանդարյայի շրջանում:
«Վարժանքների գործնական գործողությունները տեղի կունենան Աֆղանստանին սահմանակից տարածքում գտնվող «Թերմեզ» զորավարժարանում՝ շուրջ 200 միավոր ռազմական տեխնիկայի, այդ թվում՝ ավիացիայի ներգրավմամբ», - ասվում է հայտարարության մեջ:
Նշվում է, որ զորավարժությունների շրջանակներում զինվորականները կմշակեն Կենտրոնական Ասիայի տարածաշրջանի պետությունների տարածքային ամբողջականության ապահովման խնդիրները: ՌԴ հիմնական զորակազմը կազմված կլինի խաղաղապահ միավորման եւ Կենտրոնական ռազմական օկրուգի հատուկ նշանակության բրիգադի զինծառայողներից:
Ավելի վաղ հայտնի է դարձել, որ օգոստոսից սեպտեմբեր Ռուսաստանը եւ Կենտրոնական Ասիայի հանրապետությունները մի շարք համատեղ զորավարժություններ են անցկացնելու Աֆղանստանի հետ սահմանին:
Ներկայումս Աֆղանստանում առճակատում է տեղի ունենում կառավարական ուժերի եւ «Թալիբան»-ի գրոհայինների միջեւ (Ռուսաստանում արգելված շարժում), որոնք զգալի տարածքներ են գրավել գյուղական շրջաններում եւ նախահարձակ գործողություններ են իրականացնում մեծ քաղաքների ուղղությամբ: Իրավիճակը սրվում է երկրից ԱՄՆ ռազմական զորակազմի դուրսբերման ֆոնին:
1
2
3
4
5
1
2
3
4
5
1
3
4
5
