Աշխարհի ամենահայտնի ծույլիկները

Վլադիմիր Մայակովսկի
ԽՍՀՄ-ի գոյության ժամանակահատվածում «միամիտ» պիոներներից խնամքով թաքցվում էր այն փաստը, որ տաղանդաշատ գրող Մայակովսկին դպրոցում շատ վատ է սովորել:

Սերգեյ Կորոլյով
Խորհրդային ակադեմիկոս Սերգեյ Կորոլյովը, ում ղեկավարությամբ ստեղծվել են բալիստիկ հրթիռները, առաջին արբանյակները, «Վոստոկ», «Վոսխոդ» տիեզերանավերը, դպրոցում միշտ 3 գնահատական է ստացել:

Ռիչարդ Բրենսոն
«Virgin Group» ընկերության հիմնադիր, մուլտիմիլիոներ Ռիչարդ Բրենսոնը դասերի ժամանակ շատ պասիվ էր և, ըստ քաջատեղյակ աղբյուրների, 2 բառ անգամ իրար կապել չէր կարողանում:
Իսահակ Նյուտոն
Հանճարեղ գիտնականն իրենց դասարանի վատագույն աշակերտն էր այնքան ժամանակ, քանի դեռ մի անգամ չի ծեծվել ընկերոջ կողմից: Այս դեպքից հետո Նյուտոնը որոշել է հաղթել ընկերոջը գիտելիքներով, և շուտով նա դարձել է դասարանի լավագույն աշակերտը:

Նապոլեոն Բոնապարտ
Ֆրանսիացի կայսրը բոլոր առարկաներից ցածր առաջադիմություն է ունեցել` բացառությամբ մաթեմատիկայի:

Լյուդվիգ վան Բեթհովեն
Հանճարեղ կոմպոզիտորը գրում ու կարդում էր բազում սխալներով, իսկ բաժանումն ու բազմապատկումը նա այդպես էլ չի յուրացրել:

Ալբերտ Էյնշտեյն
Հարաբերականության տեսության հեղինակ, Նոբելյան մրցանակակիր Էյնշտեյնը դպրոցում ունեցել է բավական ցածր առաջադիմություն: Այդ փաստը նրա ծնողներին շատ է անհանգստացրել, ովքեր մտերիմներին խոստովանել են, որ իրենց տղային շատ դժվար կլինի լավ գործ գտնելու հարցում:

Ալեքսանդր Պուշկին
«Ամենայն ռուսաց բանաստեղծ» Պուշկինը շատ վատ էր սովորում ուսումնարանում, նրա առաջադիմությունը ցածր էր հատկապես հանրահաշվից: Ատեստացիայից հետո Պուշկինն իր առաջադիմությամբ զբաղեցնում էր վերջից 2-րդ տեղը:

Անտոն Չեխով
Որքան էլ զարմանալի է հնչում, սակայն ռուս գրողներից ամենաբարեկիրթը` Անտոն Չեխովը, գիմնազիայում 2 տարի անընդմեջ մնացել է նույն դասարանում: