Հայտնի է՝ քանի մարդ է զոհվել Թուրքիայի հրդեհների արդյունքում. Ու՞մ են կասկածում թուրքերը հրդեհներ համար

ՌԴ նախագահ Վլադիմիր Պուտինը հեռախոսազրույց է ունեցել Ռեջեփ Թայիբ Էրդողանի հետ և վերահաստատել, որ Ռուսաստանի Դաշնությունը բազմակողմանի աջակցություն կտրամադրի անտառային հրդեհները մարելու համար։ Այս մասին հաղորդել է Կրեմլի լրատվական ծառայությունը։

Նշենք, որ Թուրքիայում անտառային հրդեհները անվանում են «ահաբեկչական»՝ կասկածելի համարելով միանգամից 5 շրջաններում՝ Անթալիայում, Ադանայում, Օսմանիայում, Մերսինում, Մուղլում համաժամանակյա հրդեհները, որոնք 4 մարդու կյանք են խլել։ Օրական 100 օջախ, որոնք մարելու հարցում օրական ընդգրկվում է 5000 մարդ՝ տարբեր կառույցներից՝ ոստիկանություն, ԱԻՆ և այլն։

Թուրքիայի Մեծ ժողովի պտագամավոր Շամիլ Այրիմը Haqqin.az-ին հայտնել է, թե հրդեհի ծավալներն անհամեմատելի են նախորդ տարիներին արձանագրված դեպքերի հետ և ավելացրել.

«Թուրիքայում հրդեհները կապում են ոչ միայն կլիմայական փոփոխություններով, այլև հնարավոր սաբոտաժով։ Ոստիկանությունը հետաքննություն է սկսել և կատարվածի համար բոլոր մեղավորներն իրենց արժանի պատիժը կստանան։ Հրդեհները կարող են լինել նաև ՔԲԿ-ի և այլ ահաբեկչական կազմակերպությունների ձեռքի գործը։ Ամեն դեպքում, իշխանությունները խոստացել են հստակություն մտցնել հրդեհների առաջացման հարցում։ Հնարավոր է՝ արդեն այս երեկոյան լուրերի թողարկումներում կլինի թուրքական դատախազության պաշտոնական հաղորդագրությունը»։

Haqqin.az-ի հետ զրույցում մեկ այլ պատգամավոր՝ Օրհան Էրդեմը ինչ-որ ակնարկներ է արել՝ ասելով․

«Թուրքիայի կողքին շատ անկայուն տարածաշրջաններ կան՝ Հայաստան, Իրաք և այլն։ Նաև երկրի ներսում կան ուժեր, որոնք ձգտում են միջէթնիկական բախումներ առաջացնել։ Ուստի, դիտարկվում են հրդեհների առաջացման բոլոր տարբերակները՝ կրակի հետ ոչ ճիշտ վարվելուց մինչև ահաբեկչական խմբավորումների կողմից միտումնավոր հրկիզումներ»։