Աստղիկ Սաֆարյան. “Պետք է լինեմ այնտեղ, որտեղ կլինի ապագա ամուսինս”

Bravo.am-ը գրում է.

Շուրջ չորս տարի առաջ Աստղիկ Սաֆարյանը տեղափոխվեց Բարսելոնա` մագիստրոսական կրթություն ստանալու: Ավարտելուց հետո փոփ-ռոք ժանրում հանդես եկող երգչուհին այս անգամ երկարատեւ այցով կրկին Երեւանում է, BRAVO.am-ի հետ զրուցում էլ պատմել է իր նոր ծրագրերի մասին:

- Աստղիկ, ինչպես նշել էիր մեր նախորդ հարցազրույցում, Երեւանը նմանեցնում ես մեծ ակվարիումի, եւ ի՞նչ նպատակով ես այս անգամ վերադարձել քո հարազատ “ակվարիում”:

- Հարազատ “ակվարիում”-ում միշտ էլ քեզ զգում ես ինչպես ձուկը ջրում: Այս անգամ մի քիչ երկար ժամանակահատվածով եմ վերադարձել, որ հասցնեմ անել այնպիսի աշխատանքներ, որոնք պահանջում են ավելի շատ ժամանակ եւ լուրջ կենտրոնացում, ինչը հեռվից նույնը չի ստացվում: Այժմ անելիքներս իրականացնում եմ առանց շտապելու եւ ավելի հանգիստ մթնոլորտում:

- Հայաստանից հեռու ինչի՞ պակասն էիր ամենից շատ զգում:

- Իսկական հայի ջերմ ու սրտանց տեսակի, հայերենով խոսելու պակասը եւ, իհարկե, անբացատրելի այն ուժը, որ զգում ես հայրենի հողիդ վրա: Դա մի տեսակ այլ զգացողություն է, որ այդքան էլ բառերով ասելու չէ:

- Ի՞նչ ժանրում են լինելու նոր երգերդ:

- Ունեմ հետաքրքիր նոր երգեր ինչպես հայերեն, այնպես էլ անգլերեն լեզուներով: Եթե մեկտեղեմ, կարող եմ ասել, որ 3-րդ ձայնասկավառակիս պարունակությունն արդեն ունեմ, բայց դրանք դեռ պետք է գործիքավորել եւ ձայնագրել, ինչը լուրջ կենտրոնացում եւ մանրակրկիտ աշխատանք է պահանջում: Երգերիս մեջ հնչող բեք-վոկալներն էլ ինքս եմ երգում, անգամ ունեմ երգեր, որոնցում միայնակ ձայնագրվել եմ երգչախմբային հատված:

Շարունակությունը՝ այստեղ: