Հայ բռնցքամարտիկները երկու բրոնզե մեդալ են նվաճել Եվրոպայի առաջնությունում
Հայ բռնցքամարտիկները 2 բրոնզե մեդալ են նվաճել Եվրոպայի պատանիների առաջնությունում, ինչպես նաև 2 արծաթ և 2 բրոնզ էլ` Լիտվայում կայացած միջազգային մրցաշարում: Այս օրերին բռնցքամարտի մեծահասակների և պատանիների հավաքականները տարբեր ռինգերում մասնակցում էին մրցաշարերի: Պատանիները Լվովում ուժերն էին չափում Եվրոպայի առաջնությունում, իսկ մեծահասակների հավաքականը Լիտվայում մասնակցում էր միջազգային մրցաշարի: Մարզիչներ Արման Հարությունյանի և Արտյոմ Սիմոնյանի գլխավորությամբ մեր պատանեկան հավաքականը Եվրոպայի առաջնությունում նվաճեց 2 բրոնզե մեդալ: Պատվո հարթակի 3-րդ աստիճանին կանգեցին 57կգ քաշային Արման Անտոնյանը և 60 կգ քաշային Կորյուն Ասթոյանը: Այս մասին տեղեկացնում է Հայաստանի բռնցքամարտի ֆեդերացիան:
Իսկ ահա Լիտվայում կայացած միջազգային մրցաշարում Հայաստանի մեծահասակների հավաքականը Դավիթ Թորոսյանի գլխավորությամբ նվաճեց 4 մեդալ: 52 կգ քաշային Կորյուն Սողոմոնյանն ու 56 կգ քաշային Գառնիկ Հարությունյանը հաղթելով իրենց բոլոր մրցակիցներին դուրս եկան եզրափակիչ և միայն եզրափակիչում պարտություն կրելով` արժանացան արծաթե մեդալի: Լիտվայում մեդալ նվաճեցին նաև 64 կգ քաշային Հովհաննես Բաչկովը և 91 կգ քաշային Հենրիկ Սարգսյանը, ովքեր կանգնեցին պատվո հարթակի 3-րդ աստիճանին:
1
2
3
4
5
1
2
3
4
5
1
2
5
