Հնարավո՞ր է արդյոք ստեղծել այնպիսի դեղամիջոց, որը կչեզոքացնի կորոնավիրուսի բոլոր մուտացիաները․ մասնագետը պարզաբանում է
Ուշադրության կենտրոնումԱմերիկացի գիտնականների կողմից հայտնաբերված իմունիտետի հիման վրա, որը կարող է չեզոքացնել կորոնավիրուսի բոլոր հայտնի մուտացիաները, հնարավոր է ստեղծել դեղամիջոց և փոփոխել պատվաստանյութը, սակայն բոլոր տվյալները դեռ պետք է վերլուծվեն և կատարվեն համապատասխան հետազոտություններ վարակիչ հիվանդության մասին։ Այս մասին ՌԻԱ Նովոստիին հայտնել է բժիշկ Եվգենի Տիմակովը:
ԱՄՆ֊ի Վաշինգտոնի համալսարանի Սանկտ Լուիս քաղաքի բժշկական դպրոցի գիտնականները հայտնաբերել են հակամարմին, որը կարող է չեզոքացնել կորոնավիրուսի բոլոր հայտնի մուտացիաները։ Հետազոտությունը հրապարակվել է համալսարանի պաշտոնական կայքում:
«Եթե հայտնաբերվի որոշակի հակամարմին, որը կարող է չեզոքացնել կորոնավիրուսային վարակը, հնարավոր կլինի ստեղծել դեղամիջոցներ, որոնք կսինթեզվեն այլ կենդանիների, այլ օրգանիզմների կողմից և ներարկել այն՝ պատվաստանյութի տեսքով», - ասել է Տիմակովը:
Նա բացատրել է, որ կորոնավիրուսային վարակի դեմ հակամարմիններն ունեն տարբեր աստիճանի արդյունավետություն։ Գիտնականները գտել են այն հակամարմինը, որն ավելի լավ է պաշտպանում, քան մյուսները:
Ապագայում հնարավոր կլինի փոփոխել պատվաստանյութը, որպեսզի դրա ներմուծումից հետո մարդու մարմնում ավելի շատ արտադրվեն այդ հատուկ հակամարմինները: Միևնույն ժամանակ, ըստ Տիմակովի, անիմաստ է պատվաստանյութ պատրաստել միայն այդ հակամարմինների հիման վրա, քանի որ վիրուսը կարող է շարունակել փոփոխվել, և պատվաստանյութը արդյունավետ չի լինի:
«Այնուամենայնիվ, նախքան նոր դեղամիջոցների հայտնվելը՝ անհրաժեշտ է ավելի մանրամասն ուսումնասիրել այս հարցը, վերլուծել տվյալները և համապատասխան հետազոտություններ կատարել»,֊ ընդգծել է Տիմակովը:
1
2
3
4
5
2
3
5
2
3
4
5
