Ապրանքների դասակարգման վերաբերյալ անհամաձայնությունները լուծելու համար կվկայակոչվեն լրացուցիչ տեղեկություններ
Կարեն Մկոյանը ֆեյսբուքյան իր էջում գրում է.
Այսօր կառավարությունը սահմանեց ապրանքների հայտարարագրման ժամանակ մաքսային մարմնի կողմից ապրանքների դասակարգման վերաբերյալ անհամաձայնության դեպքում հայտարարատուի կողմից մաքսային մարմին ներկայացվող` ապրանքների դասակարգմանն առնչվող լրացուցիչ տեղեկու-թյունների ցանկը:
Այն բխում է «Մաքսային կարգավորման մասին» ՀՀ օրենքով ամրագրված դրույթների իրավակիրարկումն ապահովելու պահանջով:
Ապրանքների հայտարարագրման ժամանակ մաքսային մարմնի կողմից ապրանքների դասակարգման վերաբերյալ անհամաձայնության դեպքում հայտարարատուի կողմից կարող են ներկայացվել այնպիսի լրացուցիչ տեղեկու-թյուններ ինչպիսիք են՝ ապրանքի նմուշը և փորձանմուշը, փորձագիտական կազմակերպությունների փորձաքննությունների եզրակացությունները, տեխնիկական անձնագրեր, շահագործման ուղեցույց, տեխնոլոգիական սխեմաներ, օգտագործողի ձեռնարկ, գծագրեր, ինչպես նաև առևտրային փաստաթղթեր և ապրանքի դասակարգման համար անհրաժեշտ հայտարարատուի տրամադրության ներքո գտնվող այլ փաստաթղթերը և այլն:
Այդ թվում մաքսային մարմինը ապրանքների դասակարգման նպատակով կարող է հիմք ընդունել նաև հայտարարատուի կողմից տրամադրվող համացանցում առկա տեղեկատվությունը:
Կառավարության որոշմամբ սահմանվում է, որ հայտարարատուի կողմից տրամադրված տեղեկատվութունը մաքսային մարմինը պարտավոր է քննության առնել:
Այսպիսով, ապրանքների դասակարգման ժամանակ մաքսային մարմնի և հայտարարատուի միջև առաջացած անհամաձայնությունների դեպքում հայտարարատուին տրվում է տվյալ ապրանքի նկատմամբ առկա տեղեկատվության ավելի լայն ցանկ վկայակոչելու հնարավորություն և սահմանվում է մաքսայի մարմնի կողմից այն քննության առնելու պարտադիր պահանջ, ինչն էլ զերծ կպահի համակարգում արձանագրվող կամայական դրսևորումներից:
1
2
3
4
5
1
3
4
5
1
2
3
5
