Իշխանության հերթական «կարված» գործը
ՀՀ-ում տեղի ունեցած իշխանազավթումից հետո սովորական երևույթ է դարձել տարբեր նախկին պաշտոնյաների և հանրային դեմքերի ձերբակալությունները, որոնք կազմում են օրվա իշխանության հիմնական ինքնահաստատման գրավականը։
Ցանկացած առողջ դատողություն ունեցող և ռացիոնալ մտածողություն ունեցող անհատին հայտնի է, որ Նիկոլ Փաշինյանը ողջ քաղաքական գործունեության ընթացքում իր դատողություններն ու հայտարարությունները հիմնականում կառուցել է ստի և կեղծ պոպուլիզմի վրա, որոնք «օդում կախված» լուրերից այն կողմ չեն անցել։ Նրա գործելաոճը չի փոխվել նաև իշխանության ղեկը ստանձնելուց հետո, երբ տարբեր նախկին պաշտոնյաների ձերբակուլում են ոչ մի էական հիմք ու իրեղեն ապացույց ունենալու պարագայում։
Փաշինյանի իշխանության օրոք ձերբակալված անձանցից է նաև ՊՆ-ին մատակարար կազմակերպության տնօրեն Դավիթ Գալստյանը (Պատրոն Դավոն)։ Գալստյանին մեղադրանք է առաջադրվել նախարարությանն անորակ զենք և ռազմամթերք մատակարարելու պատճառով։ Հավելենք, որ «Մոսսթոն էնջինիերինգ» ընկերության ղեկավար Դավիթ Գալստյանը թե՛ նախկինների, թե՛ Փաշինյանի իշխանության օրոք զենք է մատակարարել Պաշտպանության նախարարությանը։
Դավիթ Գալստյանն իրեն առաջադրված մեղաադրանքը չի ընդունում, ավելին՝ նրա փաստաբանի խոսքով, իրենք անհերքելի ապացույցներ են ներկայացրել, որ մատակարարումները համապատասխանում են պայմանագրի պահանջներին։ Ըստ էության՝ մարդիկ, մասնագետ չհանդիսանալով, չեն կարողանում տարբերել մատակարարված զենքի կոնկրետ կրակոցի արտադրության տարեթվի և կրակոցի որոշակի դետալի վրա նշված որոշակի թվերի տարբերությունը։ Փաստացի գործ ունենք մի երևույթի հետ, որ Գալստյանին նույնպես մեղադրանք է առաջադրվել՝ առանց որևէ կոնկրետ իրավական հիմքի և հերթական արհեստական «կարված» գործն է։
Կարող ենք եզրակացնել, որ Գալստյանի նկատմամբ ապօրինի քրեական հետապնդումը հավանաբար հովանավորվում կամ պատվիրվում է այն մարդկանց կողմից, ովքեր 44-օրյա պատերազմի ընթացքում չնայած բոլոր փորձերին, չեն կարողացել ՊՆ-ին ակնհայտ բարձր գներով և անհայտ կասկածելի եղանակներով մատակարարումներ իրականացնելու եղանակով միլիոնավոր դոլարներ աշխատել և դրանով պայմանավորված փորձում են նրանից վրեժ լուծել։
Նշենք, որ Գալստյանը այս տարվա փետրվարին ևս մեկ անգամ ձերբակալվել էր, հերթական «փուչիկ» գործով, և դատարանը նրան մեկ անգամ ազատ էր արձակել։ Ահա այս հանգամանքը հաշվի առնելով է նաև, որ իշխանությունները փորձում են նրան հերթական անգամ հանրության աչքին հակահերոս ստեղծել և իրենց ոճին բնորոշ դեմոնիզացնել։ Ստեղծվել է մի կազուսային իրադրություն, երբ թացը խառնվել է չորին և կատարվում են բաներ, որոնք բուն իրավաբանության հետ ոչ մի աղերս չունեն, այլ զուտ իշխանական քարոզչական աղբի տիրույթում տեղի ուենցող զարգացումներ են։
Այստեղ տեղի է փաստել նաև այն, որ հանրությունն ինքը ևս սկսել է տարբել մատուցվող աղբն իրականությունից և իշխանության մատուցած ամեն կուտ այլևս հեշտությանմբ կուլ չի տալիս։
Կարեն Սեդրակյան
1
2
3
4
5
1
2
3
4
5
1
2
5
