News.am-ը գրում է.
Գյումրիում սպանված Ավետիսյանների հարազատները վաղը` հունվարի 16-ին, բողոքի բողոքի ակցիա կանցկացնեն` պահանջելով որպեսզի սպանության համար մեղադրվող Վալերի Պերմյակովի գործով նիստերը տեղի ունենան Շիրակի մարզի ընդհանուր իրավասության դատարանի շենքում, ոչ թե Գյումրիում տեղակայված ռուսական 102-րդ ռազմաբազայի տարածքում: Այս մասինNEWS.am-ի հետ զրույցում ասաց սպանված Հասմիկ Ավետիսյանի քույրը` Ջուլիետա Ջալալյանը:
«Մեր ուժերից վեր է ռազմաբազայում գտնվելը, մենք սթրես ենք տանում մենակ էդ անունը լսելով, ուզում ենք, որ մեր դատարանում լսվի գործը, որ մենք էլ հասկանանք, որ մեզ չեն ծաղրում»,-ասաց տիկին Ջուլիետան:
Ավետիսյանների հարազատները երթով կշարժվեն դեպի Շիրակի մարզի ընդհանուր իրավասության դատարան` հանդիպում պահանջելով դատարանի նախագահի հետ:
Նրանք կբոյկոտեն դատական հաջորդ նիստը, եթե իրենց պահանջը չբավարարվի, նույնիսկ հայտարարում են, որ պատրաստ են դիմել ծայրահեղ քայլերի:
Ավելի վաղ հայտնել էինք, որ NEWS.am-ի թղթակցին Շիրակի մարզի ընդհանուր իրավասության դատարանից հայտնել էին, որ Ավետիսյանների սպանության գործով երկրորդ դատական նիստը նույնպես կկայանա ռուսական 102-րդ ռազմաբազայի տարածքում:
Նշենք, որ ռազմաբազայի տարածքում գտնվող դատական նիստերի դահլիճի պայմաններից դժգոհում են ոչ միայն Ավետիսյանների հարազատները, այլեւ տուժողի իրավահաջորդների եւ լրատվամիջոցների ներկայացուցիչները:
Ավելի վաղ հայտնել էինք, որ Ավետիսյանների ընտանիքի 6 անդամների սպանությունը տեղի է ունեցել 2015թ. հունվարի 12-ին։ Ավետիսյանների ընտանիքից ողջ էր մնացել 6 ամսական Սերյոժա Ավետիսյանը, որը ծանր վնասվածքներով տեղափոխվել էր բժշկական կենտրոն, որտեղ յոթ օր անց մահացել էր:
Ավետիսյանների ընտանիքի 7 անդամի սպանության համար մեղադրվում է Գյումրիի 102-րդ ռուսական ռազմաբազայի ժամկետային զինծառայող Վալերի Պերմյակովը։ Դեպքի առթիվ Հայաստանում հարուցվել էր քրգործ սպանության հատկանիշներով, իսկ ՌԴ-ում՝ դասալքության:
1
2
3
4
5
3
4
2
3
4
5
