Մոսկվայի քաղաքային դատարանը տնային կալանքի տակ Է թողել Լեւոն Հայրապետյանին

Մոսկվայի քաղաքային դատարանն օրինական Է ճանաչել «Բաշնեֆտ»-ի գործով ֆիգուրանտ Լեւոն Հայրապետյանի տնային կալանքի ձամկետի երկարացումը: Այդ մասին դատարանի դահլիճից հաղորդել Է ՌԻԱ Նովոստիի թղթակիցը:

Այսպիսով, դատարանը մերժել Է Հայրապետյանի փաստաբանի բողոքը, որը, վկայակոչելով իր պաշտպանյալի առողջական վատ վիճակը, խնդրում Էր խափանման միջոցը փոխարինել չմեկնելու վերաբերյալ ստորագրությամբ: Մեղադրյալը տնային կալանքի տակ կմնա մինչեւ հուլիսի 28-ը:

Հայրապետյանին մեղադրում են այն բանում, որ նա մասնակցել Է 2009 թվականի ապրիլին Ուրալ Ռախիմովի կողմից «Բաշնեֆտ»-ը «Սիստեմա» ընկերությանը վաճառելուն:
Հայրապետյանի նկատմամբ հարուցվել Է եւս մեկ քրեական գործ: Նա մեղադրվում Է Բաշկիրիայից նախկին սենատոր Իգոր Իզնեստեւից, որը ներկայում ցմահ բանտարկության Է դատապարտված, 700 հազար դոլար հափշտակելու մեջ: Այդ գործով հետաքննությունն արդեն ավարտված Է:

Հետաքննության տվյալներով՝ Հայրապետյանն ունի կրկնակի քաղաքացիություն եւ անշարժ գույք՝ արտասահմանում, մասնավորապես, վերջին ժամանակներս նա ապրել Է Մոնակոյում: Հետաքննությունն այդ փաստով Էր հիմնավորում նրան մեկուսարանում պահելու անհրաժեշտությունը: Հոկտեմբերի սկզբին գործարարին փոխադրել են տնային կալանքի: Հայրապետյանի փաստաբանը ավելի վաղ հայտարարում Էր, որ իր պաշտպանյալի առողջությունը խիստ վատացել Է, եւ խնդրում Էր ազատ արձակել նրան: