Հումորի ժամանակը չէ. Գարիկ Մարտիրոսյանը հայտարարություն է տարածել

Հայտնի կատակերգու եւ պրոդյուսեր Գարիկ Մարտիրոսյանը այս օրերին գտնվում է Սանկտ Պետերբուրգում։

Կատակերգու  նախատեսվախ մեծ համերգ ուներ Ռուսաստանի մշակութային մայրաքաղաքում, որը ծրագրված էր անցկացնել այսօր։

Սակայն հումորիստը չեղարկել է Սանկտ Պետերբուրգում նախատեսված մեծ համերգը։

Մարտիրոսյանն իր ինստագրամյան էջում լուսանկար է հրապարակել Պետերբուրգից և երկրպագուներին պարզաբանել է, որ ստեղծված իրադարձությունում ճիշտ չի համարում կատակելը՝ նկատի ունենալով պшտերազմական իրավիճակը Ռուսաստանի և Ուկրաինայի միջև։

Լուսանկարին կից Գարիկ Մարտիրոսյանը մասնավորապես նշել է․

«Ցшվոք սրտի, իմ համերգը, որը ծրագրված էր փետրվարի 26-ին Պետերբուրգում, մեր որոշմամբ՝ կհետաձգվի։

Ես մեծ համերգ էի պատրաստել, դեռ երեկ Պետերբուրգ մեկնել, սակայն մենք տեղի ունեցող իրադարձությունների պատճառով որոշել ենք հետաձգել համերգը։

Հումորի ժամանակը չէ։ Համերգը հետաձգվել է մինչեւ ապրիլի 21-ը։

Գնված բոլոր տոմսերը նույնպես տեղափոխվում են և ուժի մեջ կլինեն նոր ամսաթվին: Եթե ​​ինչ-ինչ պատճառներով նոր ամսաթիվը ձեզ համար անհարմար է, կազմակերպիչները կտրամադրեն տոմսերի վերադարձ: Շնորհակալություն»,-  գրել է Մարտիրոսյանը։

Հայտնի է, որ Գարիկ Մարտիրոսյանը միշտ զերծ է մնում քաղաքականությունից և խուսափում է քաղաքական իրադարձությունների վերաբերյալ մեկնաբանություններ անելուց։ Այս անգամ էլ գուցե զուգադիպություն է, սակայն հումորիստը հրապարակման տակ օգտատերերի համար փակել է մեկնաբանությունների հարթակը։

Նշենք, նաև որ ռուսական շոուբիզնեսի շատ ներկայացուցիչներ իրենց սոցիալական հարթակներում դեմ են արտահայտվել պատերազմին և իրենց լուսանկարներին կցել «Ռուսաստան Ուկրաինա եղբայրություն, խաղախություն» շրջանակները։