GG տաքսիներ

Արման Հայրապետյանը ֆեյսբուքյան իր էջում գրում է.

Արդեն մեկ ամսից ավելի է gg տաքսուց եմ օգտվում: Նախ շատ հարմար ա, հեռախոսում ծրագիրը տեղադրում ես ու քաղաքի որ անկյունում էլ լինես երկու ժամ դիսպետչերին տեղդ բացատրելու փոխարեն, ուղղակի GPS-դ ես միացնում ու քո գտնվելու վայրով պատվեր տալիս: Պատվերի հաստատումից հետո ստանում ես ծանուցում, որ մեքենան արդեն մոտենում ա ու մեքենայի մակնիշն ու պետհամարանիշը: Ծրագրով անմիջապես կարող ես կապնվել վարորդի հետ ու ճշտել ուր ա հասել, ոչ թե զանգել դիսպետչերին ու քեզ ասի արդեն հասնում ա, երբ դեռ չի էլ որոշել ով ա գալու քո պատվերով;)) 

Վարորդն էլ պատվեր ստանալուց հետո կապ ա հաստատում քեզ հետ ու ամեն դեպքում ճշտում հասցեն: Սպասարկման մնացած մասի ապահովումն արդեն վարորդներից ա կախված, բայց ի պատիվ gg տաքսիի պետք ա նշեմ, որ էսքան ժամանակ չի եղել, որ վարորդն իր ասած ժամից ուշանա: Վարորդների մոտ միշտ մանր կա եթե անգամ ասենք 900 դրամ ա կազմել, պարտադիր մանրդ տալիս են, ու անգամ երբ դու չես ուզում վերցնել մի տեսակ զոռում էլ են, որ վերցնես;) Ուրիշ շատ տաքսիներից եմ օգտվել, մի օրինաչափություն էի նկատել` եթե ասենք 700 դրամ ա կազմել ու մանրդ վերցնում ես, անգամ վարորդների մեծ մասը շնորհակալությանդ ոչինչ չեն պատասխանում , իսկ եթե մանրը թողնում ես, նոր շնորհակալությանդ ի պատասխան ասում են «քեզ էլ»:) gg տաքսիի դեպքում բոլոր վարորդները շնորհակալությանդ պատասխանում են:)) Մեքենաներն էլ միշտ մաքուր են, համենայն դեպս իմ օգտված բոլոր մեքենաներն այդպիսին են եղել ու նստելուց մոտդ տպավորություն չի ստեղծվում որ մոխրամանի մեջ ես նստում, որովհետև չեն նստում մեջն ու սկսում բքել, մինչև «պատվեր կպնի»...