Ողբերգական դեպք Երևանում. Թոխմախի գերեզմաններում հայտնաբերվել է կնոջ դի

Այսօր՝ փետրվարի 27-ին,  ողբերգական դեպք է տեղի ունեցել Երևանում: Ժամը 13:40-ի սահմաններում ոստիկանության Էրեբունու բաժին ահազանգ է ստացվել, որ Դավիթ Բեկի փողոցի հարևանությամբ գտնվող  Թոխմախի  գերեզմանների տարածքում դի կա:

 Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել է ոստիկանության Էրեբունու բաժնի օպերատիվ խումբը՝ բաժնի պետ Արմեն Գասպարյանի գլխավորությամնբ: Ժամանել են նաև ՀՀ ոստիկանության պարեկային ծառայության Երևանի գնդի 1-ին գումարտակի 2-րդ վաշտի պարեկները՝ գումարտակի հրամանատար Արամ Դադոյանի, վաշտի հրամանատար Նիկոլայ Ավետիսյանի, ավագ պարեկ Դավիթ Սիմոնյանի և պարեկներ Տիգրան Ասատրյանի, Արտակ  Մանուկյանի գլխավորությամբ:

Ժամանել են նաև Հայաստանի քննչական կմոիտեի Երևան քաղաքի քննչական վարչության էրեբունի և Նուբարաշեն վարչական շրջանների քննչական բաժնի խումբը՝ օրվա պատասխանատու քննիչի գլխավորությամբ:

 Ոստիկաններն ու քննիչները գերեզմանատան տարածքում հայտնաբերել են 60-65 տարեկան կնոջ դի:  Այս պահին ոստիկանության Էրեբունու բաժնի քրեական հետախուզության բաժանմունքի  ծառայողները ՝ բաժնի պետի օպերատիվ գծով տեղակալ Սենիկ Երանոսյանի և քրեական հետախուզության բաժանմունքի ավագ օպերլիազոր Արթուր Ջանազյանի գլխավորությամբ,  համայանքային ոստիկանների հետ պարզում են մահացածի ինքնությունը:

 Փաստի առթիվ էրեբունի և Նուբարաշեն  վարչական շրջանների քննչական բաժնի հատկապես  կարևոր գործերով ավագ քննիչ  Ավետիք Թովմասյանի  կողմից նյութեր են նախապատրաստվում: Ոստիկանությունն ու քննչական բաժինը պարզում են մահացածի ինքնությունը: