Իրական պաշտոնյան՝ ընդդեմ ֆեյսբուքյան Հայաստանի․ ստոր արշավի իրական պատճառները
ՎերլուծությունՀայաստանում պատասխանատու որոշ պաշտոններ զբաղեցնողների կյանքի առաքելությունը ոչ թե Հայրենիքի պաշտպանությունն է ու պետության անվտանգությունը, սահմանային բնակավայրերում, գյուղերում ապրող մարդկանց վիճակը, այլ ֆեյսբուքի էջերն ու լայքերը և վիրտուալ կոմֆորտ իրականությունը: Այս արձանագրումն արել է Մարդու իրավունքների արդեն նախկին պաշտպան Արման Թաթոյանը՝ մեկնաբանելով իր դեմ վերջին օրերին գործող վարչախմբի սանձազերծած նոր հակաքարոզչությունը։
Իշխանական քարոզչամեքենան, նշենք, այս օրերին ակտիվորեն տեղեկություններ է տարածում՝ իբր Արման Թաթոյանը յուրացրել է ՄԻՊ ֆեյսբուքյան պաշտոնական էջը և այդ էջի գաղտնաբառերը չի փոխանցում նորանշանակ մարդու իրավունքների պաշտպանին։ Թաթոյանը, նախ շեշտում է, որ նոր պաշտպանին են փոխանցել Թվիթերի պաշտոնական էջը, ֆեյսբուքյան խմբերը, կփոխանցվի նաև Ֆեյսբուքի գլխավոր պաշտոնական էջը: Խնդիրը զուտ տեխնիկական է։ Թեև հանրային հեռուստաընկերությունն ու այլ իշխանական ԶԼՄ-ներ տարփողում են, թե ֆեյսբուքյան էջը ստեղծվել է հարկատուների փողերով, Թաթոյանը պնդում է, որ երբ ստանձնել է Մարդու իրավունքների պաշտպանի պաշտոնը, ՄԻՊ էջ չի եղել առհասարակ։
«Ինձանից առաջ պաշտոնավարած Մարդու իրավունքների պաշտպանն ամբողջությամբ փակել էր բոլոր էջերը կամ «տարել» իր հետ»,- գրում է Թաթոյանը։
Նրանից առաջ, հիշեցնենք, ՄԻՊ պաշտոնը զբաղեցնում էր Կարեն Անդրեասյանը, ով արդարադատության նախարար է աշխատում գործող վարչախմբի մոտ։ Պաշտոնավարումն ավարտելուց հետո Թաթոյանն այլևս կաշկանդված չէ օրենքով, կարող է և պարտավոր է վերհանել գործող վարչախմբի բոլոր ապօրինությունները։ Տևական ժամանակ իշխանական քարոզչամեքենան օգտվում էր այդ պարտադրանքից, ցեխ է արձակել ՀՀ միակ արդյունավետ աշխատող, արցախցու ու սյունեցու խնդիրները ներկայացնող, հասարակ մարդկանց իրավունքները պաշտպանող պաշտոնյայի դեմ։ Այս անգամ էլ, թերևս, փաշինյանական վարչախմբին ու իր սպասարկուներին թվացել է, թե կարող են անպատիժ և անարձագանք ցեխարձակումներ իրականացնել, սակայն հանդիպել են Թաթոյանի կոշտ արձագանքին։
«Ֆեյսբուքով երկիր կառավարելով` աղետի առաջ եք կանգնեցրել մի ողջ ժողովրդի, իրական վտանգի տակ եք դրել մեր պետականությունն ու անվտանգությունը»,- նկատել է Թաթոյանը:
Գոռ Ավետիսյան
1
2
3
4
5
1
2
4
5
1
2
3
4
5
