Մեր պայմանները հստակ են. Ուկրաինայի նախագահի գրասենյակը հայտարարություն տարածեց
Ուշադրության կենտրոնումՈւկրաինայի նախագահի գրասենյակի ղեկավարի խորհրդական Ալեքսեյ Արեստովիչը ուղիղ եթերում հայտարարել է, որ բանակցություններում Ուկրաինայի պայմանները հստակ են՝ հրադադար եւ Ուկրաինայի տարածքից ռուսական բոլոր զորքերի դուրս բերում:
Նրա խոսքով՝ միջազգային կոնվենցիաներին, այդ թվում ՝ դիվանագիտական հարաբերությունների մասին Վիեննայի կոնվենցիային համապատասխան, "բանակցությունների ընթացքը չի լուսաբանվում, մինչեւ կողմերը ընդհանուր կոմյունիկե չհայտնեն":
"Եկեք չխախտենք։ Մեր դիրքորոշումը հասկանալի է՝ ոչ մի պայման ու վերջնագիր", – հավելել է նա ։
Ալեքսեյ Արեստովիչը պարզաբանել է, որ առաջին անգամ Կիեւը հրաժարվել է մասնակցել բանակցություններին, քանի որ ռուսական կողմը ցանկացել է "կապիտուլացիայի հանգեցնել Ուկրաինային, իսկ հետո խոսենլ":
"Մենք մի լավ ծիծաղեցինք գրասենյակում եւ առաջին անգամ մերժեցինք բանակցությունները։ Երբ նրանք երկրորդ անգամ խնդրեցին, իսկ այն փաստը, որ իրենք առաջինը մեզ խնդրում են բանակցությունների մասին, շատ բանի մասին է խոսում իմ տեսանկյունից, խոստացան հանել նախնական պայմանները և մենք դրան համաձայնեցինք", – պատմել է նախագահի գրասենյակի ղեկավարի խորհրդականը։
Նա նշել է, որ Ուկրաինայի պայմանները հասկանալի են՝ հրադադար եւ ռուսական բոլոր զորքերի դուրսբերում, եւ դա դրված է ուկրաինական կողմի սեղանին:
Հաղորդավարի ճշտող հարցին, թե խոսքը Դոնբասի մասին է, Արեստովիչն ասել է.
"Դոնբասի եւ Ղրիմի մասին է։ Բոլոր զորքերը Ուկրաինայի տարածքից: Միևնույն է, թաղելու են բոլորին, դրա համար ավելի լավ է կամավոր հեռանան։ Դուք չեք պատկերացնում, թե ինչ է կատարվում այստեղ։ Մեզ մոտ մեկ օրում 100 հազարից ավելի պահեստազորայիններ են հայտնվել" ։
1
2
3
4
5
1
2
3
4
5
1
3
4
