Լիլի Մորտոյի նոր տեսահոլովակի համար արտերկրից կասկադյորներ են ժամանել Երևան․ ի՞նչ է կատարվել նկարահանման հրապարակում. առաջին լուսանկարները

«Զիլինա»․ այսպես է կոչվում Լիլի Մորտոյի նոր երգը, որի հիման վրա նկարահանված տեսահոլովակը Լիլին լսարանին կներկայացնի Կանանց տոներին։

Tert.am Life-ը եղել է Լիլիի տեսահոլովակի նկարահանմանն ու իր ընթերցողներին է ներկայացնում հետաքրքիր դրվագները։

Տեսահոլովակի ռեժիսորները Գրիշա Գասպարյանն ու Արման Սարգսյանն են։ Նկարահանման համար արտերկրից Երևան էին ժամանել կասկադյորներ, սակայն, թե կոնկրետ ինչ տեսարաններ են նկարահանել, Լիլին նախընտրում է գաղտնի պահել մինչև տեսահոլովակի թողարկումը։

«Միայն կասեմ, որ տեսահոլովակում շատ են մարտական տեսարանները»,- ասաց նա։

Տեսահոլովակի նկարահանումները տևել են 2 գիշեր։ Չնայած հոգնածությանը՝ Լիլին ոգևորությամբ էր նկարահանվում և անհամբերությամբ սպասում է վերջնական արդյունքին։

Լիլիի խոսքով՝ տեսահոլովակի բյուջեն բավականին մեծ է․ «Մեզ համար շատ կարևոր է, որպեսզի յուրաքանչյուր աշխատանք լինի տարբերվող։ Այս տեսահոլովակի համար էլ ոչինչ չենք խնայել, բյուջեն բավականին մեծ է, քանի որ արտերկրից ենք հրավիրել կասկադյորներին, սակայն որոշեցինք անել այնպիսի աշխատանք, ինչպիսին Հայաստանում դեռևս չի եղել»։

Լիլին նաև հայտնեց, որ այսուհետև իր պրոդյուսերի դերը ստանձնել է սիրելին՝ Վադիմը։ «Սկզբում մտածում էինք համագործակցել պրոդյուսերական ընկերության հետ, հետո հասկացանք, որ ինքներս պետք է զբաղվենք դրանով: Մեզ համար ամենաթանկը ժամանակն է, երբ մենք ենք տնօրինում մեր ժամանակը, շատ ավելի արդյունավետ է: Վադիմը չունի պրոդյուսերական փորձ, սակայն, ճանաչելով նրան, վստահ եմ, որ հաջողելու է։ Նա միշտ ձգտում է լավագույնին: Տեսահոլովակը դիտելուց հետո էլ մարդիկ կհասկանան դա»,-ասաց Լիլին։

Լիլին ներկայանում է այնպիսի երգերով, որոնցում չեն երևում նրա ձայնային տվյալները։ Հարցին՝ իրականում կարողանո՞ւմ է երգել, նա պատասխանեց․ «Ես ունեմ երաժշտական կրթություն, հիմա գնում եմ վոկալի դասերի ձայնս ավելի բացելու համար: Այս պահին մեր երգերը չեն պահանջում վոկալային տվյալներ ցուցադրել: Ժամանակի թրենդները գնում են դեպի Տիկ-տոկ: Կգա ժամանակ, երբ անհրաժեշտ կլինի ցույց տալ վոկալային տվյալներս, մարդիկ կլսեն ձայնս, կտան իրենց գնահատականը»։

Տեսահոլովակում Լիլին ներկայանում է 3 կերպարով, սակայն բացահայտում է միայն մեկը՝ մյուս երկուսը թողնելով անակնկալ լսարանի համար։

Լուսանկարները՝ Շուշան Անտոնյանի