Հայտնիներ, որոնք «նպաստել» են իրենց գեղեցկության «կործանմանը» (լուսանկարներ)
Life
Tert.am-ը գրում է .
Յուրաքանչյուր մարդ տարիքի հետ աստիճանաբար կորցնում է իր գեղեցկությունն ու գրավչությունը: Սակայն լինում են դեպքեր, երբ մարդն առաջ է ընկնում ժամանակից ու ինքնուրույն է կործանում իր արտաքին գեղեցկությունը:
Ստորև fishki.net կայքը ներկայացնում է ռուսական ու արևմտյան շոու բիզնեսի մի շարք հայտնի ներկայացուցիչների, որոնք, ձգտելով «կատարելության», հասել են հակառակ արդյունքի.
Անաստասիա Վոլոչկովա
Բնատուր նուրբ դիմագծերով այս պարուհին համարվում էր ռուսական բալետի լավագույն մարմնավորումը, սակայն բոտեքսի չարաշահումը, պլաստիկ վիրահատությունները, աչքի ընկնող դիմահարդարումն ու անճաշակ հագուկապը մեկընդմիշտ մոռանալ տվեցին փխրուն ու նուրբ Վոլոչկովայի մասին:
Ելենա Պրոկլովա
Նա համարվում էր խորհրդային կինոյի սեքս- խորհրդանիշներից մեկը, սակայն այժմ քչերը նրան կճանաչեն: Դերասանուհին չափից շատ է տարվել երիտասարդեցնող պրոցեդուրաներով, որոնք նրան անճանաչելիորեն փոխել են` ոչ դեպի լավը:
Մեգ Ռայան
Ռայանի տիկնիկանման դեմքն ու երգիծական ժանրում ունեցած տաղանդը նրան դարձրել էին 90-ական թվականների լավագույն ու ամենապահանջված դերասանուհիներից մեկը: Սակայն բազմաթիվ անհաջող պլաստիկ վիրահատությունները լիովին աղավաղել են նրա սիրունիկ «մռութիկը»:
Մելանի Գրիֆիտ
Երբեմնի հմայիչ դերասանուհին իր մի շարք այլ գործընկերուհիների օրինակով փորձել է «կանգնեցնել» ժամանակը, ինչի պատճառով նրա բնատուր գեղեցկությունից հետք անգամ չի մնացել:
Լառա Ֆլին Բոյլ
Այս դերասանուհու կատարյալ դիմագծերի մասին այսօր կարելի է միայն խոսել անցյալ ժամանակով: Չցանկանալով ծերանալ` Բոյլը դիմել է բազում պլաստիկ միջամտությունների, որոնք սարսափելի արդյունք են ունեցել:
Դոնաթելա Վերսաչե
Աչքի ընկնող այս շիկահերը, ի դժբախտություն իրեն, որոշել է պայքարել ծերացման դեմ` վերածվելով սարսափ ֆիլմերից ելած հերոսի:
Լինդսի Լոհան
Խոստումնալից դերասանուհին ու երգչուհին կարող էր դառնալ Հոլիվուդի ամենահեռանկարային աստղերից մեկը, սակայն ալկոհոլի ու թմրանյութերի հետ ունեցած բազմաթիվ խնդիրները թույլ չտվեցին: Ի դեպ, Լոհանի վնասակար սովորություններն ուղղակիորեն անդրադարձան նրա արտաքինի վրա` նրան ծերացնելով մի քանի տարով:
Վել Կիլմեր
90-ականների ամենասիրված դերասաններից մեկը ներկայում խնդիրներ ունի ալկոհոլի ու ավելորդ քաշի հետ, ինչի հետևանքով դարձել է ուղղակի անճանաչելի:
1
2
3
4
5
2
3
4
5
1
2
3
4
5
