Ինչի մասին են խոսել Պուտինն որ Էրդողանը․ մանրամասներ է բացահայտել Էրդողանի խոսնակը

BBC-ն հարցազրույց է վերցրել Թուրքիայի նախագահ Թայիփ Էրդողանի գլխավոր խորհրդական Իբրահիմ Ղալընից։

Նշենք, որ Ղալընը այն քիչ պաշտոնյաներից է եղել Անկարայում, որը ներկա է եղել երեկ երեկոյան Էրդողանի եւ Պուտինի միջեւ տեղի ունեցած հեռախոսազրույցին։ Ղալընը ասել է, որ Պուտինը Էրդողանի հետ զրույցում կիսվել է այն պահանջներով, որոնք նա առաջադրել է Ուկրաինային։ Թուրք բարձրաստիճան պաշտոնյան, ում մասին ասում են, որ առաջիկայում նշանակվելու է Թուրքիայի ԱԳ նախարար, ասել է, որ այդ պահանջներն այնքան էլ դաժան չեն եւ բաժանվում են երկու խմբի։

Առաջին չորս պահանջները իրականացնելը նույնիսկ այնքան էլ բարդ չի լինի Ուկրաինայի համար։

Գլխավոր պահանջն այն է, որ Ուկրաինան պետք է լինի չեզոք երկիր եւ չպետք է ՆԱՏՕ-ի անդամակցության հայտ ներկայացնի, ինչը Ուկրաինայի նախագահ Վլադիմիր Զելենսկին արդեն ընդունել է, կարծես թե։ Այս կատեգորիայում կան էլի պահանջներ, որոնք ըստ Ղալընի Ռուսաստանին թույլ են տալու «պարզ ճակատով» ներկայանալու։ «Ուկրաինան պետք է անցնի զինաթափման պրոցես, որպեսզի համոզիչ լինի, որ այն Ռուսաստանի համար վտանգ չի ներկայացնում։ Բացի այդ, Ուկրաինայում ռուսաց լեզուն պետք է լինի պաշտպանված։ Եւ կա այն, ինչն անվանում են դենացիֆիկացիա։ Դա վիրավորական է Զելենսկու համար, ով հանդիսանում է հրեա եւ նրա որոշ ազգականներ զոհվել են Հոլոքոսթի ժամանակ, սակայն թուրքական կողմը կարծում է, որ դա Զելենսկին կկարողանա հեշտությամբ ընդունել։ Հնարավոր է, որ Ուկրաինայի համար բավարար լինի նացիզմի եւ նեոնացիզմի բոլոր ձեւերի դատապարտումը»,- ասել է Էրդողանի գլխավոր խորհրդականը։

Պահանջների երկրորդ խումբը ավելի բարդ է իրականացնելը։ Պուտինը Էրդողանի հետ զրույցում ասել է, որ նախքան համաձայնության գալը հարկ կլինի Զելենսկու հետ դեմ առ դեմ հանդիպել։ Զելենսկին իհարկե հայտարարել է, որ պատրաստ է հանդիպել Ռուսաստանի նախագահի հետ եւ դեմ առ դեմ բանակցություններ անցկացնել։ Խնդրահարույց հարցերը կապված դեն Արեւելյան Ուկրաինայի՝ Դոնբասի եւ Ղրիմի կարգավիճակի հետ։

Ավելին՝ այստեղ