Իրավիճակը չափազանց լարված է, ունենք բազմաթիվ վիրավորներ․ Արցախի ԱԺ պատգամավոր
Ուշադրության կենտրոնումԻրականությունը այնպիսին է, որ լարված ենք, իրոք լարված ենք ու չափազանց լարված։ Պատերազմից հետո, նոյեմբերի 9-ից հետո, թշնամի երկու պետությունները հստակ շարունակում ենք իրենց հանցագործությունը։ Բայց այս անգամ ոչ թե դա անում են պատերազմական մեթոդներով, այլ մեզ մոտ այս պահին արդեն հիբրիդային պատերազմ է։ Այս մասին քիչ առաջ «Արցախ․ պայքար Քարագլխի համար» թեմայով հրավիրված քննարկման ժամանակ իր ելույթում հայտարարեց Արցախի ԱԺ պատգամավոր Մետաքսե Հակոբյանը։
«Օգտագործում են ճնշման տարբեր միջոցներ, շփման գծի մասով տարատեսակ սադրանքներ, որոնք միևնույն ժամանակ ուղեկցվում են հրետանակոծությամբ։ Ցավալի է շատ, որ ունենք զոհեր, ունենք բազմաթիվ վիրավորներ, գյուղատնտեսական աշխատանքների բացարձակ արգելք, գազի անջատում և այլն։ Ճիշտ է գազը վերականգնվեց, բայց Արցախը այս պահին այն իրավիճակում է, որ ոչ մի ցնծություն էլ չեղավ։
Նոյեմբերի 9-ից հետո Ադրբեջանը երևի այդ պայմանագրի մեջ այնպիսի կետ չկա, որ խախտած չլինի։ Ամենակարևոր կետը այդպես էլ չկատարվեց՝ գերիների վերադրաձը։ Սրա մասին շատերը կարծես արդեն մոռացել են ու որևէ պահանջ չեն ներկայացնում Ադրբեջանին, մոռանալու մասով նկատի ունեմ բնականաբար իշխանությանը։ Պայմանագրի մեջ կետ կա, որի համաձայն անգամ հրադադարի խախտում պիտի չլիներ, բայց դա Ադրբեջանը ամենալկտի ձևով է անում, լկտի ու բացահայտ»,- նշեց Հակոբյանը։
«Այս ֆոնի ֆրա Արցախի ու Հայաստանի իշխանությունները փորձում են մոլորեցնել հասարակությանը։ Սա տեղեկատվական տեռոր է։ Այո, ես կարծում եմ, որ այն, ինչ անում են հասարակության հետ, դա տեղեկատվան տեռոր է։ Վարչապետի տիկինը նորից շարունակում է հանրությանը շեղել իրական խնդիրներից։ Նրա վերջին խոսքերից այնպես հասկացվեց, որ Արցախն ու Հայաստանը հիմա այս վիճակում են, քանի որ մեր զոհերի մայրերն ու հարազատները չեն ցնծում ու ուրախանում։ Նա իրավիճակը շեղեց ու տեղափոխեց այն հարթակ, որ հերոսների մայրերը քարկոծվեն և այլն, բայց բնականաբար հասարակությունը չգնաց այդ սադրանքին, ամեն ինչ շատ լավ էլ հասկացավ։ Ես չեմ խոսում ամբոխի մասին, խոսում եմ ժողովուրդի մասին։ Միանշանակ է, որ պատերազմը չի ավարտվել, իսկ այս իշխանությունները փորձում են ամեն կերպ շեղել»,- հավելեց նա։
1
2
3
4
5
1
2
3
4
5
1
2
