Ադրբեջանում ցնծության մեջ են՝ Բրյուսելյան հանդիպումը համարում են «մեծ առաջընթաց»
Ուշադրության կենտրոնումԱդրբեջանական մամուլը երեկ Բրյուսելում տեղի ունեցած Փաշինյան-Ալիեւ-Միշել հանդիպման արդյունքները գնահատել է ոչ այլ կերպ քան «մեծ առաջընթաց» եւ ցնծության մեջ է։ Նշենք, որ բանակցությունները տեւել են 4 ժամ եւ Շառլ Միշելը դրանք չափազանց դրական է գնահատել։
Ուշագրավ է այն, որ ադրբեջանական մամուլում տեղ գտած հրապարակումներում շեշտվում է, որ թե Ադրբեջանը եւ թե Հայաստանը ունեն մեծ վստահություն Եվրամիության անաչառ միջնորդական առաքելության հանդեպ, որի համար անկյունաքար է հետկոնֆլիկտային իրավիճակի արդարացի համակողմանի հանգուցալուծումն ու լարվածության վերացումը։
Ադրբեջանական haqqin.az-ը գրում է որ այն հանգամանքը, որ Հայաստանն ու Ադրբեջանը սկսելու են վերջնական խաղաղության համաձայնագրի կնքման բանակցություններ եւ արդեն իսկ Ալիեւն ու Փաշինյանը հանձնարարելու են երկու երկրների ԱԳ նախարարներին, որ սկսեն ապագա խաղաղության պայմանագրի պատրաստման աշխատանքները, վկայում է այն մասին, որ Հայաստանը համաձայնել է Ադրբեջանի առաջարկած հինգ բազային թեզիսներին, որից հետո միայն Բաքուն համաձայնել է մասնակցել բանակցություններին։
Հատկապես ադրբեջանական կողմում շեշտում են առանցքային է դարձել Ադրբեջանի սահմանների եւ տարածքային ամբողջականության անխախտելիության իմտերպատիվը։ Բաքվում կարեւորում են նաեւ սահմանային վեճերի լուծման համար համատեղ հանձնաժողովի ստեղծման մասին պայմանավորվածություն եւ այն, որ առաջին անգամ պայմանավորվածություն է ձեռք բերվել սկսել Հայաստանի եւ Ադրբեջանի սահմանների դելիմիտացիա։
Ուշագրավ է այն, որ Ալիեւն ու Փաշինյանը համաձայնել են սեղծել Տնտեսական խորհրդատվական խորհուրդ՝ տրանսպորտային կոմունիկացիաների, եկրաթուղային եւ ավտոմոբիլային հաղորդակցության ապաարգելափակման հետ կապված։ Բաքվում հատկապես հրճվում են այն բանից, որ որեւէ կերպ չի հիշատակվում «Լեռնային Ղարաբաղ» եզրույթը, որը ադրբեջանական կողմը դիտարկում է որպես Ալիեւի կողմից լուծարված վարչատարածքային միավորի անվանում, ոչ էլ ԵԱՀԿ Մինսկի խումբը, որին ադրբեջանական կողմում համարում են Ղարաբաղյան երկրորդ պատերազմի ավարտից հետո իր քաղաքական եւ իրավական կարգավիճակը կորցրած մարմին։ Ադրբեջանցիների համար կարեւորված է նաեւ այն, որ Հայաստանի եւ Ադրբեջանի համար բանակցային նոր ֆորմատ է ձեւավորված ըստ էության, ԵՄ հովանու ներքո։
1
2
3
4
5
1
4
5
1
3
4
5
