ArmDaily.am-ը «Հայտարարագիր» շարքում այս անգամ կներկայացնի վարչապետի տիկին Աննա Հակnբյանի ունեցվածքը
Ով է Աննա Հակոբյանը
Ծնվել է 1978 թվականի փետրվարի 1-ին։
1995 թվականին ընդnւնվել է Երևանի պետական համալսարանի լրագրության ֆակուլտետ։ 2001 թվականին ավարտել է մի շարք դասընթացներ Ամերիկյան համալսարանում։
2003-2008 թվականներին աշխատել է «Հայկական ժամանակ» օրաթերթում, որպես լրագրող։ 2008 թվականի մարտի 1-ին Հայաստանում տեղի ունեցած իրադարձություններից հետո Աննա Հակոբյանը ստանձնել է թերթի գլխավոր խմբագրի ժամանակավոր պաշտոնակատարի պարտականությունները, իսկ 2013 թվականից՝ թերթի գլխավոր խմբագրի պաշտոնը։
Հայաստանի վարչապետն է։ Զավակներն են Մարիամը (ծնված 1998 թվականի նոյեմբերի 14-ին), Աշոտը (ծնված 2000 թվականի մարտի 11-ին), Շուշանը (ծնված 2007 թվականի հուլիսի 17-ին) և Արփին (ծնված 2015 թվականի օգոստոսի 17-ին)։ Որդին 2018 թվականի հուլիսին զորակոչվել է բանակ։
Աննա Հակոբյանը, որպես լրագրող և հասարակական գործիչ, իր ակտիվ մասնակցությունն է ունեցել երկրում տեղի ունեցող տարբեր իրադարձություններին։ 2018 թվականին Հայաuտանում տեղի ունեցած Թավշյա հեղափոխության ժամանակ Աննա Հակոբյանն աջակցել է ամուսնուն, ինչպես Գյումրի քաղաքից սկսված «Իմ քայլը» շարժմանը ընթացքում, այնպես էլ մայրաքաղաքում կազմակերպված հանրահավաքների ժամանակ։
2018 թվականին Աննա Հակոբյանը որպես Հայաստանի Հանրապետության վարչապետի առաջին տիկին հիմնել է «Իմ քայլը» և «Ժպիտների Քաղաք» («City of smile») բարեգործական հիմնադրամները։
«Իմ քայլը» հիմնադրամի նպատակն է ստեղծել հարթակ, որի միջոցով լուծումներ կգտնվեն մշակույթի, կրթության, առողջապահության և սոցիալական ապահովության ոլորտներին վերաբերող այն խնդիրներին, որոնց լուծումները դեռ հասանելի չեն պետության և կառավարության համար։
«Ժպիտների Քաղաք» բարեգործական հիմնադրամի նպատակն է օգնել քաղցկեղ և արյան հիվանդություններ ունեցող անձանց, ինչպես նաև նպաստել Հայաստանում ուռուցքաբանության և արյունաբանության զարգացմանը։
Աննա Հակոբյանը հանդիսանում է «Կանայք հանուն խաղաղության» (Women for Peace) նախաձեռնության հեղինակը, որի նպատակն է Հայաստանում և Արցախում խաղաղության հաստատումը։
2020 թվականի սեպտեմբերի 27-ին սկսված հայ-ադրբեջանական պատերազմի կեսերին Աննա Հակոբյանը հայտարարեց, որ ստեղծում է կանանց ջոկատ, որպեսզի մեկնի հայ-ադրբեջանական շփման գիծ և մասնակցի մարտական գործողություններին։ Նոյեմբերի 6-ին նա իր ֆեյսբուքյան էջով հայտարարեց, որ 10-օրյա մարզումներից հետո պատրաստ են մարտական առաջադրանք կատարելու։ Չնայած 2020 թվականի նոյեմբերի 9 լույս 10-ի գիշերը ստորագրվեց պատերազմական գործողությունների դադարեցման մասին հայտարարությունը՝ Աննա Հակոբյանը դեռևս նոյեմբերի 13-ին իր ֆեյսբուքյան էջով հայտնեց, որ իր ստեղծած «Էրատո» կանանց ջոկատի հետ դեռևս գնտվում է Արցախում և շարունակում է պահել իրեն վստահված մարտական դիրքը։
Համաձայն մի շարք լրատվամիջոցների հրապարակումների և տարածված տեսանյութերի՝ Աննա Հակոբյանն իր ջոկատի հետ միասին իրականում չի եղել հայ-ադրբեջանական շփման գծում, այլ գտնվելիս է եղել Գորիս քաղաքի հյուրանոցներից մեկում։ Այդ տեսանյութերում երևում է, թե ինչպես են ջոկատի անդամները շարքով դուրս գալիս հյուրանոցից և այնուհետև նույն կերպ վերադառնում։
Ունեցվածքը
Աննա Հակոբյանը 2020 թվականի հայտարարագիրը ներկայացրել է 2021 թվականի մայիսի 31-ին։
Նա հայտարարագրել է 2 բնակարան բազմաբնակարան բնակելի շենքում Երևանի Շենգավիթ վարչական շրջանում, բնակարաններից մեկը գնվել է 2005 թվականին, իսկ երկրորդը ժառանգություն է ստացել 2006-ին, 3 ավտոմեքենա՝ 2006 թվականին թողարկված RENAULT, 2008 թվականին թողարկված NISSAN և 2004 թվականին թողարկված VAZ։ Մեքենաներից երկուսը ձեռք են բերվել 2009 թվականին, մեկը՝ 2010-ին։
Հակոբյանը ունի 25,000 ՀՀ դրամի արժեթուղթ, որը գնել է 2009 թվականին։
2020-ի սկզբում Հակոբյանի բանկային հաշիվների վրա եղել է 904,863 ՀՀ դրամ գումար, որը տարվա վերջում դարձել է 145,435 ՀՀ դրամ։ Նա հայտարարգրել է նաև 1000 ԱՄՆ դոլար կանխիկ գումար։
Որպես եկամուտ վարչապետի տիկինը ներկայացրել է 1,974,923 ՀՀ դրամ աշխատանքի դիմաց վարձատրություն Մեր Տպարանը ՍՊԸ-ից, 4,011,000 ՀՀ դրամ՝ Դարեսկիզբ ՍՊԸ-ից, 540,000 ՀՀ դրամ վարձակալության դիմաց ստացված գումար Դարեսկիզբ ՍՊԸ-ից, 499,000 ՀՀ դրամ փոխառություն Յունիբանկից։
Որևէ այլ բան նա չի հայտարարագրել։
1
2
3
4
5
1
2
3
4
5
1
2
