Ինչ պետք է անել լավ մաշկ ունենալու համար . ինչն է վնասում դեմքի մաշկին

168.am-ը գրում է .

Եթե մաշկը լավ վիճակում է, այն մեզ թույլ է տալիս դուրս գալ տանից առանց դիմահարդարման, իսկ ահա անհաջող օրերին քիչ է մնում նույնիսկ դեմքը ծածկենք շղարշով: Բայց երբեմն նման մաշկի համար մենք ինքներս ենք մեղավոր: Նրանց, ովքեր չեն սեղմում դեմքի պզուկները, կարելի է դասել սրբերի շարքին: Բրիտանացի մաշկաբանների ընկերության մասնագետների կարծիքով, չհասունացած պզուկների սեղմումն ավելի է խորացնում մաշկի բորբոքումը: Այս դեպքում չհասունացած գլխիկի վերքի միջոցով վարակ է անցնում եղունգներից, որը հետագայում ապաքինվելով մնում է սպիի տեսքով: Ճիշտ կլիներ այս դեպքում օրը երկու անգամ այդ մասերը մշակել սալիցիլային քսուքներով, որը վաճառվում է ցանկացած դեղատանը:

Այս ձևով կարելի է 1 շաբաթվա ընթացքում բուժել պզուկները: Լավ մաշկ ունենալու համար պետք է քիչ շաքար օգտագործել, քանի որ այն կարող է քիմիական ռեակցիայի մեջ մտնել մաշկի որոշ էլեմենտների հետ ու առաջացնել անհարթություններ: Այս դեպքում մաշկն արագ կնճռոտում է: Մաշկին կոպիտ վնաս է հասցնում ծխելը: Ծխախոտի յուրաքանչյուր գլանակ պարունակում է մինչեւ 4000 տեսակի թունավոր նյութեր, որոնց մեծ մասն արյան հետ ընկնում են էպիդերմիսի խորը շերտերը:

Եվ փաստորեն ծխելու ազդեցությունը մաշկի վրա այնքան տեսանելի է, որ արտաքինից կարող ես որոշել՝ տվյալ անձնավորությունը ծխո՞ւմ է, թե՞ ոչ: Ծխողների մաշկի գույնը փոխվում է, աչքերի շուրջ առաջանում են կնճիռներ: Այս դեպքում միակ ճիշտ որոշումը ծխելը թողնելն է:

Ալկոհոլը եւս ազդում է մաշկի վրա: Ալկոհոլն ինքը թույն է, բացի այդ, այն լայնացնում է անոթները: Ալկոհոլի անընդհատ օգտագործման հետեւանքով լայնանում են անոթներն ու սկսում քրոնիկական բնույթ կրել, այսինքն՝ փոքր անոթներից բացի, սկսում են լայնանալ նաեւ մեծ անոթները, ինչն էլ նպաստում է մաշկի քրոնիկական կարմրելուն: Գոնե շաբաթվա մեջ 3-4 օր պետք է ընդհանրապես հրաժարվել ալկոհոլի գործածությունից: Մաշկի վրա կործանարար ազդեցություն է ունենում ուլտրամանուշակագույն ճառագայթների ազդեցությունը: Աշխատեք արևի տակ քիչ գտնվել: