Շարմազանովը հանդիպել է Ուղղափառության միջխորհրդարանական վեհաժողովի գլխավոր քարտուղարի հետ
Քաղաքականություն
Աշխատանքային այցով Հունաստանի Հանրապետությունում գտնվող ՀՀ ԱԺ փոխնախագահ, Հայաստան-Հունաստան պատգամավորական բարեկամության խմբի ղեկավար Էդուարդ Շարմազանովը հունվարի 21-ին հանդիպում է ունեցել Ուղղափառության միջխորհրդարանական վեհաժողովի գլխավոր քարտուղար, Հունաստանի փոխարտգործնախարար Յանիս Ամանատիդիսի հետ:
ԱԺ փոխնախագահն իր երախտագիտությունն է հայտնել առ այն, որ Ուղղափառության միջխորհրդարանական վեհաժողովը բանաձեւով դատապարտել է Հայոց ցեղասպանությունը: Նա ընդգծել է, որ հարկավոր է համատեղ պայքար մղել հանուն քրիստոնյաների ցեղասպանության դատապարտման եւ թուրքական ժխտողականության դեմ: Այս մասին «Արմենպրես»-ին տեղեկացրին ՀՀ ԱԺ փոխնախագահ Էդուարդ Շարմազանովի աշխատակազմից:
Յանիս Ամանատիդիսն իր գոհունակությունն է հայտնել Հայաստանի Ազգային ժողովի կողմից անցյալ տարվա մարտի 24-ին միաձայն ընդունված հայտարարության կապակցությամբ, որով դատապարտվել է Օսմանյան Թուրքիայում հույների եւ
Ուղղափառության միջխորհրդարանական վեհաժողովի գլխավոր քարտուղարն ընդգծել է անցյալ տարվա ապրիլի 22-23-ը Երեւանում անցկացված «Ընդդեմ ցեղասպանության հանցագործության» գլոբալ ֆորումի նշանակության կարեւորությունը ցեղասպանությունների դատապարտման եւ կանխարգելման հարցում:
Զրուցակիցները քննարկել են նաեւ տարածաշրջանային խնդիրներ: Կարեւորվել է բոլոր հակամարտությունների բացառապես խաղաղ կարգավորումը:
ԱԺ փոխնախագահը Յանիս Ամանատիդիսի հետ զրույցում անթույլատրելի է համարել Թուրքիայի կողմից Հայաստանի ապօրինի շրջափակումը, ինչպես նաեւ Հյուսիսային Կիպրոսի օկուպացիան:
Անդրադառնալով ԼՂ հակամարտության կարգավորմանը` Էդուարդ Շարմազանովն արձանագրել է, որ Ադրբեջանը չի ցանկանում հաշվի նստել Արցախի ժողովրդի ինքնորոշման իրավունքի իրացման հետ:
Հունաստանի փոխարտգործնախարարը վերահաստատել է, որ Հունաստանը սատարում է ԵԱՀԿ Մինսկի խմբի համանախագահների ջանքերը՝ ուղղված ԼՂ հակամարտության խաղաղ կարգավորմանը եւ նշել, որ հիմնախնդրի կարգավորումն այլ հարթակներ տեղափոխելը կարող է վնասել բանակցային գործընթացը:
1
2
3
4
5
1
2
3
4
5
2
3
