Այսօր՝ հունվարի 22-ին, դերասանուհի Անուշկա Մարգարյանը նշում է իր ծննդյան օրը:Life.panorama.am-ին դերասանուհին պատմել է, որ իր տոնական օրը սկսվել է դեռ կեսգիշերից, իսկ ծննդան օրը կատարյալ են դարձրել սիրելին ու ընկերուհին.
«Ուղիղ կեսգիշերին մեր տուն եկան սիրելիս ու ընկերուհիս, մարդիկ, ում ուրախ էի առաջինը տեսնել 27 տարեկանում: Նրանք ամեն բան արել էին տոնս ուրախ դարձնելու համար՝ տորթով, մոմերով, շոմպայնով ու փուչիկներով նրանք եկան մեր տուն ու իսկական տոն պարգեւեցին ինձ: Այսօր էլ նկարահանման հրապարակում գործընկերներս շատ գեղեցիկ կերպով շնորհավորեցին ինձ. ուրախ եմ, որ նման լավ մարդկանցով եմ շրջապտված»,- պատմեց Անուշկան:
Հետաքրքրվելով, թե սիրելին՝ շախմատիստ Ավետիք Գրիգորյանը, ի՞նչ է նվիրել Անուշկային, դերասանուհին նշեց. «Ինձ համար շատ կարեւոր է այն, որ ես տեսնում ու զգում եմ, որ սիրելիս ամեն անգամ ինձ համար նվեր ընտրելիս մտածում է, թե ինչպես ինձ ուրախացնի: Իհարկե, նա շատ լավ գիտի, որ ինձ համար նվերի արժեքը կարեւոր չէ, բայց կրկին համոզվեցի, որ իմ կողքին է աշխարհի ամենալավ տղամարդը. Այս անգամ էլ նա ապացուցեց, որ մտածել է՝ ինչպես ինձ ուրախացնի եւ, ինչպես միշտ, այս անգամ էլ նրան հաջողվեց: Դե իսկ երեկոյան էլ նա կրկին մտածել է տոնական օրվա շարունակության մասին»:
Դերասանուհին պատմեց նաեւ, որ վերջին շրջանում երազանքներ մտապահելիս կոնկրետ ցանկությունների վրա չի կենտրոնանում. «Վերջին ժամանակներում չեմ կարողանում կոնկրետ երազանքների ուղղությամբ մտածել: Ուզում եմ կյանքս լեցուն լինի, ուզում եմ, որ դառնամ 80 տարեկան տատիկ ու մաքուր խղճով հետ նայեմ անցածս կյանքի ճանապարհին, մտածեմ, որ քիչ եմ սխալվել, իսկ սխալներ գործելիս էլ սովորել էմ դրանց վրա, որպեսզի ավելի լավը լինեմ: Երազում եմ աճել, անընդհատ աճել»,- նկատեց նա:
Անուշկա Մարգարյանը նշեց նաեւ, որ վերջին տարիներին սկսել է այլ կերպ մտածել. «Սովորաբար մարդիկ իրենց ծննդյան օրերին են խորհում կյանքի մասին, բայց ես անընդհատ եմ մտածում այդ մասին: Գնալով ավելի շատ եմ արժեւորում մեծերի՝ ծնողների, տատիկների ու պապիկների դերը: Փոքր տարիքում չգիտակցված հարգանք ունես նրանց նկատմամբ, իսկ հասուն տարիքում գիտակցում ես այդ ամենի լրջությունը: Նաեւ սկսել եմ ավելի շատ կարեւորել ու արժեւորել կյանքս, ամեն ապրած վայրկյանս: Միշտ թվում է, որ կհասցնես, բայց կյանքի ընթացքում հասկանում ես, որ մի օր չհատկացված ժամանակների համար զղջալու ենք»,- նշեց հոբելյարը:
Life.panorama.am-ը միանում է շնորհավորանքներին եւ Անուշկա Մարգարյանին մաղթում ինչպես գործնական, այնպես էլ անձնական մեծ հաջողություններ:
1
2
4
5
2
3
5
1
2
3
4
5
