Երազումս տեսել էի իմ ապագան. Աիդա Սարգսյանը` աղի բլիթ ուտելու և Սուրբ Սարգսի խորհուրդի մասին
Ինչպես բոլոր երիտասարդները` Աիդա Սարգսյանն էլ է անցել աղի բլիթ ուտելու գեղեցիկ ավանդույթի միջով: Ավելին, երգչուհին երազում, նույնիսկ, տեսել է իր ապագան.
«Իհարկե, ոչ նույնությամբ, բայց տեսել եմ նրա կերպարանքը»,-NEWS.am STYLE-ի հետ զրույցում նշեց Աիդան, որը հավատում է հրաշքների.
«Կարեւոր է, որ մարդու մեջ ապրի այդ հեքիաթը: Անկախ նրանից, որ արդեն ունեմ բալիկ, դեռ ապրում եմ հեքիաթներով եւ չեմ ուզում այդ գունավոր վիճակից դուրս գալ, հակառակ դեպքում ամեն ինչ կթվա անգույն»:
Երգչուհին մինչ օրս փորձում է աղի բլիթ, քանի որ ըստ նրա` դա շատ հետաքրքիր սովորույթ է.
«Պարտադիր չէ ուտել աղի բլիթ երազում ինչ-որ մեկին տեսնելու ակնկալիքով: Միգուցե երազումդ տեսնես որեւէ հետաքրքիր լուծում»,-կարծում է սիրված երգչուհին, որը մեզ հետ կիսվեց նաեւ Սուրբ Սարգսի տոնի առթիվ իր մաղթանքով.
«Հավերժ սեր եւ ամենայն բարիք եմ մաղթում բոլոր սիրահարներին»:
Սյունե Առաքելյան
Լուսանկարները` Մելինե Տոնոյանի եւ Աիդա Սարգսյանի Facebook-ի էջից
1
2
3
4
5
1
5
2
3
4
5
