Նվերներ ամուսնանալ պատրաստվող սիրահար զույգներին

Ինպես ladynews.am-ը տեղեկացրել է` ընթացիկ տարում ամուսնանալ ցանկացողների համար յուրահատուկ նվեր է պատրաստել «Լեդի ֆուրշեթ» ընկերությունը։ Այն զույգերը, ովքեր որոշել են այս տարի իրենց հարաբերություններին հաղորդել պաշտոնական բնույթ, իրենց հարսանեկան հանդիսությունն անվճար կազմակերպելու հնարավորություն ունեն։

Մրցույթի անցկացման մանրամասների և մասնակիցներին սպասվող անակնկալների մասին է մեր զրույցը «Լեդի ֆուրշեթի» տնօրենԱրմեն Խլղաթյանի հետ։

-Ինչպե՞ս հղացավ «Պատրաստվում եմ ամուսնանալ» մրցույթի գաղափարը։

- Այն անցկացվում է արդեն երկրորդ անգամ։ Առաջինը կազմակերպել էինք անցած տարի` օգոստոսին։ Անցկացրեցինք և շատ լավ արձագանք ստացանք։ Մեր հասարակությունում կան զույգեր, ովքեր շատ են ցանկանում ունենալ շքեղ հարսանիք, սակայն, ցավոք, այդ ամենը նրանց հասանելի չէ։ Մենք փորձեցինք այս նախաձեռնության միջոցով նրանց հնարավորություն տալ հարսանեկան ամբողջական փաթեթն ունենալու անվճար։

-Իսկ ի՞նչ գլխավոր նպատակ է հետապնդում այն։

-Նպատակն այն թիրախային խումբն է, ովքեր պատրաստվում են ամուսնանալ։ Նրանք գալիս են, ծանոթանում մեր ծառայությունների հետ, և մենք  նրանց համագործակցելու հնարավորություն ենք տալիս։ Տրամադրում ենք 300 հարյուր հազար դրամ արժողությամբ քարտեր, որից դուրս նրանք հնարավոր է ցանկանան, որպեսզի մենք կազմակերպենք իրենց հարսանիքը։

- Մրցույթի հայտարարությունում նշված է, որ առայժմ ընդունվում են հայտերը, այնուհետև որոշվելու են եզրափակչի մասնակիցները։ Ի՞նչ կարգով եք նրանց ընտրելու։

-Մինչև փետրվարի 10-ը մենք ընդունելու ենք հայտերը։ Այնուհետև որոշելու ենք ժամկետ, որի ընթացքում բոլոր զույգերի լուսանկարները հայտնվելու են ladyfurshet.am կայքում, որտեղ էլ անցկացվելու է քվեարկություն։ Առավելագույն ձայներ հավաքած 100 զույգերը մասնակցելու են մեր տարեդարձին կազմակերպվելիք միջոցառմանը։ Բոլոր զույգերին տրվելու են համարակալված տոմսեր, և վիճակահանության միջոցով որոշելու ենք մրցույթի հաղթողին։

-Մի փոքր պատմեք սպասվող մրցանակների մասին։

-Հաղթողը ստանալու է մրցանակային փաթեթմում նշված բոլոր նվերները՝ հարսի զգեստ, հարսանյաց ֆուրշեթ, սրահի ձևավորում, ֆոտո և տեսանկարահանումներ, ավտոմեքենա, հարսանեկան ճամփորդություն, լարային քառյակ, դիմահարդարում և վարսահարդարում, ինչպես նաև երեկոյի DJ։ Դրանից բացի՝ մյուս բոլոր մասնակիցներին նույնպես կտրվեն նվերներ։

-Միջոցառումն այս անգամ ևս տեղի է ունենալու ձեր ընկերության տարեդարձին՝ ապրիլի 2-ին։ Ի՞նչ է սպասվում այդ հանդիսության մասնակիցներին։։

-«Լեդի Ֆուրշեթ» ընկերությունն իր տարեդարձը միշտ մեծ շուքով է նշել։ Առաջինը նշեցինք «Վիվալդի» համալիրում, հաջորդող երկու տարիները՝ «Jose» համալիրում, այս տարի կրկին որոշել ենք դիմել «Վիվալդի» հոլի օգնությանը։ Սպասում ենք, որ միջոցառմանը կարող ենք մասնակից դարձնել շուրջ 400 հոգու։ Համերգային ծրագրին մասնակցելու են հայտնի երգիչ-երգչուհիներ, հաղորդավարներ, ովքեր մեր ընկերներն են, գործընկերները։ Նաև ներկայացնելու ենք մեր նոր ծառայությունը, որը, կարծես թե, տարածաշրջանում առաջինն է։

-Պատմեք մի փոքր, ինչպե՞ս ստեղծվեց «Լեդի ֆուրշեթ» ընկերությունը։

-«Լեդի Ֆուրշետ» ընկերությունը ստեղծվել է 2012 թվականի ապրիլի 2-ին։ Սկզբում մենք մտել ենք շուկա որպես ֆուրշեթային ընկերություն։ Մեկ տարի անց սկսեցինք ներկայանալ նաև որպես հարսանեկան ու կորպորատիվ միջոցառումների ամբողջական կազմակերպումն ապահովող ընկերություն։ Ունենալով ոլորտում մի շարք գործընկերներ՝ հարսանյաց սրահներ, տուրիստական գործակալություններ, մեր հաճախորդներին կարողանում ենք հարսանյաց ամբողջական փաթեթ առաջարկել։

-Հուվարի 23-ին նշվում է Ս. Սարգիս Զորավարի տոնը։ Ի՞նչ կբարեմաղթեիք սիրահար զույգերին։

- Կցանկանայի շնորհավորել բոլոր սիրահարներին սիրո բարեխոս Սուրբ Սարգսի տոնի առթիվ՝ մաղթելով, որ այս տարի բոլորն ունենան 365 սիրառատ օր և 365 ձեռքբերում:

Հարցազրույցը` Նորայր Զորյանի

Աղբյուր՝ LADYNEWS.am