Էդ իմ վզին դրած ա․ ես էդ պիտի անեմ

ԲԴԽ նախագահ (լիազորությունները դադարեցված)  Ռուբեն Վարդազարյանը այսօր հրավիրած մամուլի ասուլիսի ժամանակ սենսացիոն ձայնագրություն հրապարակեց ԲԴԽ նախագահի պարտականությունները կատարող Գագիկ Ջհանգիրյանի հետ ունեցած զրույցի ձայնագրությունից։ Ձայնագրությունը հրապարակելուց առաջ Վարդազարյանը դիմելով ներկաներին ասաց․ «Եթե իմ կամ իմ ընտանիքի անդամների հետ այս ձայնագրության հրապարակումից հետո ինչ-որ բան պատահի, մեղավորներին կգտնեք։

«Երկու քրեական գործ չկա։ Էն մեկին նույնիսկ ընթացք չի տրվել։ Չեմ թողել երկրորդը, երրորդը հարուցվի։ Եթե երրորդ կամ երկրորդ քրեական գործ կա, հարուցողի… Բա որ կա, ինչի՞ չի գալիս։ Ում հետ որ գնացել, խոսել է, իրենք էդ սաղ սխեման գիտեն։ Իրենք էս պուճուր բանը սենց փչել ու ներկայացրել են, որ ինքն էդ որոշումը կայացնի։ Ես քեզ խորհուրդ եմ տալիս։ Ո՞վ ա ուզում դավաճանած լինես, լավ է, ուրիշ բան ես տանում։ …  Էդ բոլորը կանգնեցված են, եւ ես գարանտն եմ դրա։ Քեզ ի՞նչ ենք անում, հո չենք տանում, կախում։ Ես որ եկել եմ, ըտեղ նստել եմ, կախվա՞ծ եմ։ Էն ժամկետը, որը ասել ես, դրանից հետո, Ստեփանն էլ վկա է, ես չեմ կարա կանգնացնեմ։ Չէ, դե չես լսում։ Եթե իր ասած ժամկետում որոշումը կայացնում է, ես քո առաջ եմ գարանտ։ Էդ ժամկետը, որը դու ասել ես, էդ մարդ շատ դեմ ա եղել, էդ ժամկետը ես եմ խնդրել, համաձայնեցրել։ Մինչեւ ստեղ գալը ես Ստեփանին էլ եմ ասել, որ որոշումը քոնն ա։ Չեմ ուզում, որ մեր մոտ ՍԴ-ի իրավիճակը սարքենք։ Էդ ոչ մեկին պատիվ չի բերում։ Էդ հայտարարություններ, ասուլիսներ, դու ես չէ՞ սկսել։ Մնացածը դուք որոշեք, իմ համար խնդիր չկա, դու հո գիտես, ինչ  պետք ա, ես հիմա էլ եմ անում։ Ես էդ պիտի անեմ,  էդ իմ վզին դրած ա, էդ իմ պարտքն եմ համարում»,- դիմելով Վարդազարյանին ասում է Ջհանգիրյանը։