ՏԵՍԱՆՅՈՒԹ. Օգոստոսին կզորացրվեն և այլևս Արցախում չեն լինի ժամկետային զինծառայողներ. գնդապետ Սահակյան
Պարտադիր զինծառայությունը կրճատելու խոսակցություններ եղել են, բայց դեռեւս ոչ մի հիմնավոր բան չկա, քննարկումներ են: Այս մասին այսօր՝ հունիսի 28-ին, լրագրողների հետ զրույցում նշեց Հայաստանի ԶՈՒ ԳՇ անձնակազմի կառավարման գլխավոր վարչության պետի տեղակալ, գնդապետ Սահակ Սահակյանը:
«Դա հնարավորություններից է կախված: Կարող է ցանկանանք, որ ծառայության ժամկետը կրճատենք 2 տարուց 1,5 տարի, բայց պետք է հնարավորություն ընձեռենք, որ ծառայության բոլոր խնդիրները կատարվեն»,-ասաց նա:
Հարցին, թե արդյոք նոր զորակոչվողներին տանում են առաջնագիծ, Սահակ Սահակյանը պատասխանեց. «Զորակոչվողները չեն գնում առաջնագիծ: Պաշտպանության նախարարի կողմից այս զորակոչից սկսած նոր կարգ է սահմանվել, բոլոր նորակոչիկները վիճակահանությամբ գնում են զորամասեր եւ նշանակվում են ծառայության հրաձգային ուսումնական գումարտակներում: Այդ գումարտակներում գտնվելու են մոտավորապես 5 ամիս, այսինքն մինչեւ ուսումնական փուլի ավարտը: Նպատակը նա է եղել, որ զինվորները ոչ լրիվության պատրաստություն չանցած մարտական հերթապահության չընդգրկվեն: Այսինքն նրանք մարտական հերթապահության կարող են ընդգրկվել 5-6 ամիս հետո»:
1
2
3
4
5
1
2
3
4
1
2
3
5
